Presidenti Bajram Begaj ka përkujtuar 25-vjetorin e sulmeve terroriste të 11 shtatorit 2001 në Shtetet e Bashkuara të Amerikës, duke ...
POLITIKE
‘Me fermerët në BE’/ Rama: Tregu evropian sfidë e pamundur nëse nuk jeni gati!
PiranjatPërditësimi i fundit 22 Dhjetor 2025, 11:09
Kryeministri Edi Rama është sot pjesë në aktivitetin “Me fermerët në Shqipërinë në 2030” së bashku me ministrin e Bujqësisë Andis Salla, ku do të prezantohen mekanizmat praktike me qëllim përmbushjen e reformave për anëtarësimin në Bashkimin Evropian.
Dhe pse i ka lënë në harresë, Rama sërish përpiqet ta gjejë tek fermërët fajin dhe jo tek qeveria e tij që nuk e mbështet këtë sektor.
Rama tha se integrimi në BE do të jetë një e mirë për të gjithë ata fermerë të cilët janë të përgatitur për tregun evropian dhe një sfidë e pamundur për ata që nuk janë gati. Kryeministri u shpreh se përmbushja e standarteve evropiane në fushën e bujqësisë është një sfidat më të mëdha të Shqipërisë. Rama theksoi rritjen e numrit të fermerëve që sot marrin mbështetje nga shteti si dhe uljen e numrit të deficitit në eksporte.
Rama: Unë besoj tek ju dhe tek të gjithë ata që, në kushte absolutisht të pakrahasueshme me sot, një dekadë më parë ishin aty, tek toka, dhe përballeshin me një sfidë mbijetese të jashtëzakonshme. Kush e ka kaluar atë sfidë, do ta kalojë edhe këtë sfidë.
Numri i fermerëve që merrnin një mbështetje më parë simbolike nga shteti ishte 5 600, sot është 67 500. Eksportet ishin thjesht dhe vetëm një aktivitet i një grushti fermerësh që ia kishin dalë deri aty dhe deficiti tregtar ishte një katastrofë unike në rajon. Për çdo euro të eksportuar, ne importonim 9 euro ushqim. Ndërkohë sot produktet tona shkojnë në 80 vende të botës dhe eksportet kanë kaluar gjysmë miliard euro. Deficiti nga 1 me 9 është ulur në 1 me 3 dhe synimi ynë është të shkojmë në 1 me 2.
