"Mes dy palëve unë zgjedh gjithmonë të parën!" Rama: Mëngjesin e 12 majit, Shqipëria do të gdhihet e mbuluar me rozë

TIRANA- Kryeministri Edi Rama tha sot gjatë eventit “vajzat dhe gratë socialiste për Shqipërinë 2030”, se mes dy palëve ai zgjedh gjithmonë të parën, nënat bijat dhe motrat. Rama tha se mëngjesin e 12 majit, Shqipëria do të gdhihet e mbuluar me rozë. Ai shtoi se gratë dhe vajzat, duke e njohur organizimin e PS-së, meritojnë të quhen komandot e armatës së tyre fitimtare në të gjitha qarqet.

"Nëse te gratë dhe vajzat avantazhi ynë ndaj kënetës, avantazhi ynë goxha i madh, te burrat është ndjeshëm më i ngushtë. Gratë dhe vajzat nuk do ti ndërroja kurrë me mbështetjen e pjesës tjetër, të cilët padiskutim e çmoj shumë siç çmoj çdo shqiptar që na mbështet. Mes dy palëve unë zgjedh gjithmonë të parën, nënat bijat dhe motrat.

Gratë dhe vajzat, duke e njohur organizimin e PS, meritojnë të quhen komandot e armatës tonë fitimtare në të gjitha qarqet. Flamurin e fitores tonë, që e keni qëndisur me durim, do të mbulojë të gjithë hartën elektorale të 11 majit. Mëngjesin e 12 majit, Shqipëria do të gdhihet e mbuluar me rozë, që është ngjyra e grave dhe vajzave, por edhe e PS", tha Rama.

ps