Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
Meta e futi në listë të sigurtë/ Sekretari për Sigurinë në Partinë e Lirisë nuk njeh kandidaten për deputete: Kush është kjo?
b.zPërditësimi i fundit 12 Mars 2025, 16:48
PL
FIER - Një situatë e pazakontë është regjistruar këtë të mërkurë, në radhët e Partisë së Lirisë në kuadër të zgjedhjeve Parlamentare të 11 Majit.
Pak orë nga përfundimi i afatit për dorëzimin e listave të kandidatëve për deputetë PL-ja konfirmoi kandidaten në listën e mbyllur të Fierit që ishte Brunilda Haxhiu.
Përmes një njoftimi zyrtar PL bëri me dije se Haxhiu do të jetë kandidate në listën e mbyllur të koalicionit “PD-Shqipëria Madhështore”, dhe zyrtarizimi i kandidaturës së saj do të bëhet në mbledhjen e strukturave të PD-së pasditen e sotme.
“Partia e Lirisë ka garantuar përfaqësim të sigurt dhe dinjitoz gjinor, në mënyrën më të drejtë, sipas Statutit të saj, 50% – 50% dhe do të përfaqësohet në mënyrë shumë dinjitoze në Qarkun e Fierit, me një kandidaturë autoktone, Znj. Brunilda Haxhiu, Zv/Sekretare e Përgjithshme dhe Sekretare për Familjen dhe Kundër Shpopullimit.
Shprehim besimin se Qarku i Fierit, ndaj të cilit kemi shumë detyrime, do të mbështesë masivisht Znj. Brunilda Haxhiu, si dhe një kandidaturë nga lista e hapur, propozuar nga Partia e Lirisë”, thuhej në deklaratën e PL.
Por ajo që ka tërhequr vëmendje është një koment i Sekretarit për Sigurinë në këtë forcë politike i cili si duket nuk e njeh Haxhiun. Siç mund të shihet dhe në foton e mëposhtme, bashkëngjitur lajmit mbi konfirmimin e Haxhiut si kandidate për deputete Sekretari për Sigurinë, Faik Basha ka komentuar: Po kjo kush është ?
