Astrit Idrizi, 35-vjeçari i arrestuar për zjarrin në banesat sociale në Shkozë ku humbën jetën dy të moshuar, dyshoh...
POLITIKE
Ministrja e Shëndetësisë jep bilancin: 9 policë te Trauma
PiranjatPërditësimi i fundit 14 Tetor 2026, 20:51
Policia e Shtetit ka reaguar sërish lidhur me incidentet që po shoqërojnë protestën e studentëve në Tiranë, duke bërë të ditur se numri i punonjësve të policisë të plagosur ka arritur në 14, ndërsa 35 persona janë shoqëruar deri në momentin e publikimit të njoftimit.
Në reagimin e radhës, policia përsërit thirrjen drejtuar pjesëmarrësve në tubim që të distancohen menjëherë nga aktet e dhunës dhe të ndalojnë sulmet ndaj efektivëve, institucioneve shtetërore dhe pronës publike e private.
Sipas policisë, incidentet kanë vijuar për disa orë, duke rrezikuar sigurinë e punonjësve të rendit dhe të qytetarëve.
Autoritetet u kërkojnë protestuesve të mos mbështesin personat e maskuar që, sipas tyre, janë përfshirë në akte dhune. Policia thekson se e drejta për të protestuar është e garantuar me ligj, por nuk justifikon sulmet ndaj efektivëve apo shkatërrimin e pronës.
Ndërkohë, shërbimet policore po vijojnë identifikimin dhe shoqërimin e personave të dyshuar për përfshirje në incidente, ndërsa paralajmërojnë se përgjegjësit do të përballen me ligjin.
"Policia e Shtetit përsërit thirrjet e bëra përgjatë gjithë ditës së sotme për pjesëmarrësit në tubim: Distancohuni menjëherë nga dhuna!
Ndaloni sulmet ndaj punonjësve të Policisë dhe institucioneve shtetërore, si dhe shkatërrimin me zjarr të pronës publike e private.
Si pasojë e sulmeve që vijojnë prej disa orësh, janë plagosur 14 punonjës të Policisë së Shtetit.
Kjo dhunë duhet të ndalet menjëherë! Sulmet ndaj punonjësve të Policisë dhe shkatërrimi i pronës publike e private nuk kanë asnjë lidhje me ushtrimin e së drejtës për të protestuar.
Distancohuni menjëherë dhe pa asnjë hezitim nga personat e dhunshëm e të maskuar! Mos i mbështesni dhe mos u bashkoheni atyre. Mos lejoni që tubimi të përdoret për të ushtruar dhunë, për të sulmuar punonjësit e Policisë dhe për të shkatërruar pronën publike e private. Rrezikimi i jetës së punonjësve të Policisë dhe të qytetarëve duhet të marrë fund menjëherë.
E drejta për të protestuar është e garantuar me ligj, por ajo nuk i jep askujt të drejtën të ushtrojë dhunë, të sulmojë punonjësit e Policisë apo të shkatërrojë pronën publike e private. Përgjegjësit për këto akte do të identifikohen dhe do të përballen me ligjin.
Shërbimet e Policisë po vijojnë identifikimin dhe shoqërimin e personave që kanë kryer akte dhune dhe që janë maskuar gjatë tubimit. Deri në këto momente, janë shoqëruar 35 shtetas", njoftoi policia.
