Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
POLITIKE
“Molotovarët hodhën jargë urrejtjesh politike”, Bardhi i kthehet Ramës: E vetmja pengese drejt BE, kryeministri me te korruptuarit e tij
PiranjatPërditësimi i fundit 24 Maj 2026, 10:32
Kreu i Grupit Parlamentar të Partisë Demokratike, Gazment Bardhi, ka reaguar ndaj deklaratave të Kryeministrit Edi Rama, duke e akuzuar atë si “pengesa kryesore” për procesin e integrimit europian të Shqipërisë.
Në një postim të gjatë, Bardhi shprehet se “ka vetëm një gjë që e ndal Shqipërinë europiane” dhe sipas tij ajo është qeverisja e kryeministrit Rama.
Ai pretendon se për mbylljen e negociatave për Grupkapitullin e Themeloreve, Bashkimi Europian i ka vendosur Shqipërisë 34 kushte, të cilat sipas tij lidhen me çështje të korrupsionit, zgjedhjeve dhe funksionimit të institucioneve. Bardhi thotë se BE ka shprehur shqetësime për vendime të Parlamentit lidhur me imunitetin dhe rastet e korrupsionit, duke shtuar se korrupsioni është cilësuar si “shqetësim vendimtar” në procesin e integrimit.
Postimi i plote; Ka vetëm një gjë që e ndal Shqipërinë europiane.
Për të mbyllur negociatat e anëtarësimit vetëm për Grupkapitullin e Themeloreve, BE-ja i vendosi Shqipërisë 34 kushte të rënda. Sepse Edi Rama mbrojti me votë në Parlament korrupsionin dhe i siguroi Belinda Ballukut imunitet nga arrestimi i SPAK-ut.
Në 34 kushtet për Shqipërinë, Bashkimi Europian shpreh zyrtarisht keqardhje për vendimin e Parlamentit në mbrojtje të Belinda Ballukut dhe i kërkon Kuvendit të zbatojë standardet europiane për imunitetin.
Me një gjuhë të papërdorur më parë për Shqipërinë, BE-ja e quan korrupsionin “shqetësim vendimtar”, duke e rënduar pozicionin negociues të Shqipërisë.
Për herë të parë në një raport zyrtar publik, BE-ja identifikon sektorin e ndërtimit si kanal pastrimi parash përmes “transaksioneve jofinanciare” dhe e lidh këtë drejtpërdrejt me korrupsionin.
Për herë të parë në një dokument zyrtar negociues, BE-ja identifikon si problem për zgjedhjet rrjetet e patronazhimit: sistemin me të cilin PS kontrollon votën përmes administratës shtetërore.
Për herë të parë, BE-ja kërkon zgjedhje plotësisht në përputhje me standardet e OSBE/ODIHR-it si kusht zyrtar për mbylljen e negociatave. Sepse zgjedhjet e Edi Ramës nuk kanë qenë kurrë të tilla.
BE-ja kërkon “mbikëqyrje efektive dhe të papenguar parlamentare, përfshirë komisionet hetimore”; një të drejtë që Rama ia ka mohuar sistematikisht opozitës.
BE-ja kërkon edhe zbatimin e vendimeve të Gjykatës Kushtetuese, që Rama i ka injoruar, vonuar ose nuk i ka zbatuar fare.
Grupkapitulli i Themeloreve hapet i pari dhe mbyllet i fundit.
Por pa mbyllur kapitullin e Edi Ramës, Shqipëria nuk i mbyll dot negociatat.
