Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
“Mora një mesazh nga Edi Rama”/ Kryemadhi zbulon çfarë i shkroi kryeministri kur ajo ndodhej në SHBA
PiranjatPërditësimi i fundit 8 Nëntor 2025, 19:17
Ish-kryetarja e PL dhe ish-deputetja Monika Kryemadhi ka zbuluar një episod vite më parë teksa ndodhej në një vizitë zyrtare në Shtetet e Bashkuara.
Ajo tha se kishte marrë një mesazh nga kryeministri Edi Rama, i cili i kërkonte të mos merrte pjesë në një takim të planifikuar me përfaqësues të Departamentit Amerikan të Shtetit, në kulmin e debatit për emërimet në Gjykatën Kushtetuese.
Debati atë kohë ishte për emërimin e anëtares së Gjykatës Kushtetuese, Marsida Xhaferllari apo të kandidates tjetër e cila ishte betuar para një notereje, pasi Presidenti i atëhershëm, Ilir Meta refuzonte ta pranonte.
“Të mos harrojmë çështjen e Gjykatës Kushtetuese, të noteres tek Lana, presioni që do t’i bëhej Presidentit të asaj kohe Ilir Meta nga trupi diplomatik. Kam qenë në SHBA dhe kam kërkuar takim me përfaqësues të DASH të cilët menjëherë më kanë pritur dhe unë kam patur një mesazh nga Edi Rama për të mos shkuar në takimin që do kisha në DASH me drejtorin për Europën Juglindore, që të bëhej një marrëveshje për moszgjedhjen e Marsida Xhaferllarit.
DASH u njoh me presionin që ushtrohej nga institucionet diplomatike që punonin dhe jetonin në Shqipëri të cilat manipuloheshin nga Romana Vlahutin, bëri atë që kemi sot… Pra, marrëdhënia ime me Ilir Metën e para ka qenë emocionale, dashurore. Unë e kam patur marrëdhënie emocionale.
Se po ta kisha politike do të kërkoja të isha deputete që në 1992. Atëherë kam propozuar Ndre Legisin dhe më thonin si s’të vjen turp. Edhe në 1996 në Berat kam propozuar Erion Braçen që të ishte ai deputet. Nuk jam penduar sepse është i vetmi socialist në PS, i cili me të mirat dhe të këqijat e veta, i vetmi që ngre zërin për problematikat e elektoratit të tij dhe e bën me sinqeritetin dhe ndershmërinë e vet”, u shpreh në News 24, Kryemadhi.
