Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
"Mosbindja civile do të vazhdojë!" Berisha: Asgjë nuk na ndalon në realizimin e qëllimeve tona për qeveri teknike dhe rikthim të votës së lirë
M.B.Përditësimi i fundit 15 Tetor 2024, 14:27
TIRANA- Kreu i Partisë Demokratike, Sali Berisha deklaroi sot se mosbindje civile e 7 tetorit u dëshmoi të gjithë skeptikëve në opozitë se cili është shpirti i vërtetë opozitar i qytetarëve shqiptarë. Berisha tha se të gjithë ata që murmurisnin dhe pëshpëritnin se shqiptarët nuk ngrihen, e panë se cilët ishin shqiptarët dhe sa të gatshëm ishin.
Ai shtoi se kjo duhet të vazhdojë menjëherë dhe sa më shpejt me 77 metoda, praktika të mosbindjes civile. Berisha tha se asgjë nuk i ndalon në realizimin e qëllimeve: qeverinë teknike dhe rikthimin e votës së lirë.
Pjesë nga fjala e Berishës:
Mirënjohje të pakufishme popullit opozitar. Ai ajo mosbindje civile e 7 tetorit u dëshmoi të gjithë skeptikëve në opozitë se cili është shpirti i vërtetë opozitar i qytetarëve shqiptarë.
Të gjithë ata që murmurisnin dhe pëshpëritnin se shqiptarët nuk ngrihen, e panë se cilët ishin shqiptarët dhe sa të gatshëm ishin. Duhet të vazhdojë menjëherë dhe sa më shpejt me 77 metoda, praktika të mosbindjes civile. Asgjë nuk na ndalon ne në realizimin e qëllimeve tona, qeverinë teknike dhe rikthimin e votës së lirë.
