Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Mosbindja civile e të martës/ Berisha: Jam këtu për të paralajmëruar, mos guxoni të prekni protestuesit e zemëruar
I.APërditësimi i fundit 23 Nëntor 2024, 18:36
Sali Berisha
TIRANË- Lideri i opozitës Sali berisha ka paralajmëruar ministrin e Brendshëm dhe drejtuesit e policisë që të mos prekin protestuesit e opozitës. Gjatë fjalës së tij me drejtuesit politikë të qarqeve, Berisha tha se ata do të marrin çdo masë për një dyndje civile masive në Tiranë. Po ashtu theksoi se do dëshmojnë para qytetarëve që janë shumicë politike dhe shumicë numerike.
"Mosbindja civile e ditës së martë, marshimi në Tiranë, duhet të jetë një triumf i vërtetë i revoltës, i zemërimit, i shpirtit të pamposhtur të qytetarëve në kryeqytetin e tyre. Ndaj dhe, të nderuar drejtues politikë të qarqeve, duhet marrë çdo masë për një dyndje masive të opozitarëve në Tiranë. Duhet të marrim çdo masë për të dëshmuar përpara shqiptarëve se ne jemi shumica, dhe jo vetëm shumica politike, por edhe shumica numerike dhe se narkodiktatura nuk ka të ardhme.
Ajo mbahet tani nga organet e dhunës. Një një akt që më rikujton muajt e fundit të diktaturës komuniste, i ndërruan të gjithë drejtorët dhe sollën në krye të policisë banditë të damkosur, njerëz me lidhje të certifikuara, ushtarë të krimit. Por unë jam këtu për të paralajmëruar, mos guxoni të prekni protestuesit e zemëruar. Edhe njëherë, i them përfaqësuesit, bastardit të familjes Hoxha dhe përfaqësuesit të bandës së Troplinëve, mos ndërse narkobanditë kundër qytetarëve se do paguash çmimin më të shtrenjtë. Nuk mund të mbani pushtetin me banda. Jo dhe jo," tha Berisha.
