Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Revokimi i masave të sigurisë, Gjykata e Lartë regjistron kërkesën e Berishës dhe Malltezit
I.APërditësimi i fundit 23 Nëntor 2024, 16:58
TIRANË- Gjykata e Lartë ka regjistruar një kërkesë të kreut të Partisë Demokratike Sali Berisha dhe dhëndërit të tij Jamarbër Malltezi, në lidhje me masat e sigurisë. Kërkesa është regjistruar më datë 21 nëntor dhe gjyqtari relator i çështjes do të jetë Sokol Binaj.
Rekursi i Berishës dhe Malltezit është bërë kundër masave të sigurisë arrest shtëpie, të dhënë në datë 30 dhjetor dhe të konfirmuar nga Apeli i Posaçëm më datë 18 qershor. Kërkesa e Berishës dhe Malltezit është bërë në të njejtën ditë që Gjykata Kushtetuese ka shqyrtuar proporcionalitetin e masave të ndalimit të daljes jashtë vendit për të dhe atë të detyrimit për tu paraqitur.
Kërkesa për revokimin e masës është bërë e shoqëruar me kërkesën për informacionin dy mujorë të organit të Prokurorisë së Posaçme.
Gjykata Kushtetuese ka shpallur vendimin lidhur me ankimimin e depozituar nga kreu i Partisë Demokratike Sali Berisha përsa i takon dy masave të para të SPAK, “detyrim paraqitje” dhe ndalim të daljes jashtë vendit, për të cilat Prokuroria Speciale anashkaloi autorizimin nga Kuvendi. Bëhet me dije se Gjykata ka shqyrtuar proporcionalitetin e masave për ndalim të daljes jashtë vendit dhe të masës detyrim paraqitje. Në vendim thuhet se gjykata me shumicë votash, vlerësoi duke iu referuar arsyetimit të gjykatave të zakonshme se masa e dhënë ndaj Berishës “detyrim për t’u paraqitur në policinë gjyqësore” është propocionale në drejtim të domosdoshmërisë, përshtatshmërisë dhe ashpërsisë.
