Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
POLITIKE
"SPAK është shndërruar në strukturë kriminale", Blushi nga Shkodra: Kjo strukturë i jep imunitet politik bandave të lidhura me qeverinë
M.B.Përditësimi i fundit 23 Nëntor 2024, 14:55
SHKODRA- Sekretari i Përgjithshëm i Partisë së Lirisë, Tedi Blushi nisi nga Shkodra takimet me Strukturat Vendore të PL-së për zgjedhjet e vitit 2025. Blushi tha se SPAK është kthyer në një organizatë kriminale që i garanton imunitet politik korrupsionit qeveritar e bandave. Ai vijon ta konsiderojë banditeskt arrestimin e kreut të PL-së, Ilir Meta, të urdhëruar sipas tij për të goditur opozitën. Ai bëri një koment edhe për masakrën me 4 të vrarë në Dobraç të Shkodrës, ku tha se tregon që bandat qeverisin vendin.
"Presidenti i PL u rrëmbye në mënyrë banditeske nga ky regjim. Meta i ndaluar në këtë masë ekstreme izolimi, vetëm për shkak se ka mbrojtur me të gjitha fuqitë interesin kombëtar, çështjen e Kosovës, integritetin territorial të Shqipërisë nga tradhtia më e madhe që i është bërë këtij vendi siç është shitja e detit nga Rama dhe Basha. Presidenti i PL është i izoluar pa asnjë provë, pa asnjë dëshmi, por vetëm se SPAK është shndërruar në strukturë kriminale që sot garanton imunitetin politik të kësaj qeverie, u jep imunitet politik bandave të lidhura me qeverinë, po i jep imunitet politik korrupsionit qeveritar.
U përcjell përshëndetjet më të përzemërta të Metës. I cili është në një maskë ekstreme izolimi për të penguar aktivitetin e tij politik, sepse ky regjim kriminal që sot ka marrë peng Shkodrën, po përpiqet të marrë peng të gjithë ata faktorë që janë në krye të betejës sonë, betejës së gjithë shqiptarëve për të çliruar Shqipërinë nga ky regjim që në 11 vite ka shpopulluar Shkodrës, të gjithë Shqipërinë.
E papranueshme që ky qytet simbol i lirisë dhe demokracisë në vend, që aq shumë ka vujtuar nga autoritarizmi, që aq shumë ka vuajtur nga sigurimi i shtetit, edhe sot pas gati 3 dekadash, pas rënies së murit të Berlinit vuan sot diktaturën po aq të egër, por kësaj here të mafies në pushtet", tha Blushi.
