"Në drejtësinë e re, janë eksponentë të Sorosit"/ Argita Malltezi: Shqiptarët duhet të ngrihen për votën e tyre!

Argita Malltezi

TIRANË - Vajza e kreut të PD-së, Sali Berisha, Argita Malltezi ka akuzuar kryeministrin Edi Rama se ka paguar deri në 500 euro, që qytetarët të mos dilnin të votonin në zgjedhjet e fundit lokale që u mbajtën në Shqipëri.

E ftar në emisionin "Que Vadis", në Vizion Plus, Malltezi ka hedhur akuza drejt kreut të SPAK Altin Dumani se ka amnistuar krimin elektoral, ndërsa theksoi se shqiptarët duhet të ngrihen për votën e tyre, për të mos përjetuar sipas saj edhe një herë periudhën e komunizmit.

“Zgjedhjet u bënë, por Berisha nuk u lejua të vendoste emrin, nuk ju dha vula dhe logo. U bë koalicioni por nuk i dhanë komisioner dhe financime. Si bllok vote ishte impresiv në bazë të kushteve. Paraja publike që u derdh për blerjen e votës ishte një masakër elektorale. Ata paguan njerëzit që të mos shkonin të votonin. Në Klos më thanë që një votë u shit 500 euro. Rama nuk lë rast pa thënë që nuk ja përmend emrin, por Rama nuk ka çbën e çnuk do jepte të kishte Lulzim Bashën përballë. Ne luftojmë të kemi minimumin e demokracisë, komisioner për numërimin e votës.

Në 2005 Nano humbi zgjedhjet dhe lejoi rotacionin politik që ndodhi me votën e shqiptarëve. Nuk ndërhyri krimi elektoral dhe buxheti i shtetit. Shqiptarët duhet të ngrihen për votën e tyre se e kanë provuar çdo të thotë mos votosh. Mbështetja e Soros ka dhënë ndikimet e veta. Rama ka mbështetje nga Soros. Në drejtësinë e re, janë eksponentë të Soros”, tha Argita Malltezi.

argita malltezi sali berisha edi rama