Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
POLITIKE
"Ne jemi larguar nga BE!", Berisha: Made in Albania, rritja e shpejtë e prodhimit të vendit, është rruga drejt Europës
r.llPërditësimi i fundit 28 Mars 2025, 13:12
sali berisha
TIRANË- Kryetari i Partisë Demokratike, Sali Berisha u shpreh se Shqipëria ka humbur nga viti në vit pozicionin e saj në rajon për prodhimin në raport me prodhimin mesatar të Bashkimit Europian. Berisha tha se kjo që po ndodh është krejt e kundërta nga ato që deklaron kryeministri Edi Rama.
Lideri i opozitës tha se rruga e vetme drejt Europës është rritja e shpejtë e prodhimit të vendit. Ai u shpreh se shndërrimi i Shqipërisë në një epiqendër të prodhimit të energjisë është projekti që çel dyert e Europës. Berisha shtoi më tej paketa e dhembshurisë dhe Shqipëria epiqendër të teknologjisë së lartë është rruga rruga më serioze dhe më e sigurt që Shqipëria të bëhet vend anëtar i BE.
"Unë kam kuptuar se nuk është realizuar akoma pasoja pozitive e vendimit të kalimit tek rroga mesatare 1200 euro. Kalimi me rrogën mesatare 1200 euro përbën një nga rritjet më të mëdha të rrogave. Kalimi në rrogën minimale 500 euro, edhe kjo. Pra këto janë hapa gjigante drejt ngushtimit të atij hendeku të tmerrshëm që krijoi me rrogat kjo qeveri. Shqipëria Madhështore është Shqipëria që ecën drejt BE e sigurt me realizimin e standardeve të vendeve anëtare. Dhe ato realizohen me një Shqipëri prodhuese.
A e dini ju se Shqipëria ka humbur nga viti në vit gjatë kësaj periudhe pozicionin e saj në rajon për prodhimin në raport me prodhimin mesatar të BE? Pra, në qoftë se ka pasur Bosnjen prapa, tani Bosnja ka dalë para. Shqipëria ka si prodhim mesatar 34 përqind të prodhimit mesatar të BE. Kjo do të thotë se Shqipëria do largohet, jo po afrohet siç mashtron Edi Rama me një pasaportë të prodhuar nga qeveria e mëparshme. Ajo është shumë e mirë ajo pasaportë, për kohën ishte ndër më modernet. Por nuk të çon ajo. Nuk mjafton ajo për të shkuar në Europë. Është kollaj të dalësh dhe të mashtrosh qytetarët. Po kush të pranon në Europë me rrogat ndër më të ulëtat në planet? Kush të pranon në Europë me këtë pabarazi të tmerrshme? Askush nuk të pranon në Europë në këtë mënyrë.
Ndaj Made in Albania, rritja e shpejtë e prodhimit të vendit, është rruga drejt Europës. Shndërrimi i Shqipërisë në një epiqendër të fuqishme të prodhimit të energjisë është projekti që çel dyert e Europës. Që e bën Shqipërinë vend të rëndësishëm në fushën e energjisë. Që tërheq investitorët më të mëdhenj të fushës së energjisë. Pra, a mund të jetë një letër? Pyeteni bufin e Minervës në inteligjencës artificiale, jo do u thotë. Nuk ndodh kurrë pa këto. Me një pasaportë nuk shkon dot atje. Pra, e nxjerr gënjeshtar 100 përqind Edi Ramën. U ndala tek kjo çështje sepse vokacioni evropian i PD është tashmë vokacioni kryesor i saj i faktuar në akte madhore në rrugën e integrimit, nga anëtarësimi në KiE, në anëtarësimin në NATO, heqjen e vizave dhe marrjen e rekomandimit për statusin e vendit kandidat. Të gjitha këto janë një trashëgimi që shërben thjesht për të dëshmuar seriozitetin tonë në rrugën e integrimit. Por ato që kemi arritur nuk mjaftojnë. Duhen arritje të tjera të mëdha që ne ua kemi premtuar shqiptarëve. Nga paketa e dhembshurisë tek Shqipëria epiqendër e teknologjisë së lartë, rruga më serioze dhe më e sigurt që Shqipëria të bëhet vend anëtar i BE.", tha Berisha
