Neglizhenca e seancave plenare penalizon xhepin e deputetëve, sa u gjobitën ligjvënësit për mungesat në Kuvend

kuvendi

TIRANË- Mungesa në seanca plenare apo komisione parlamentare, gjatë periudhës së muajit korrik ka bërë që deputetët si të opozitës apo mazhorancës të ndëshkohen me gobë. 

Ligjvënësit e Kuvendit të Shqipërisë janë penalizuar me heqje të pagës nga 10 deri në 60 mijë lekë, teksa mazhoranca mban  numrin më të lartë të deputetëve të penalizuar për shkak të mungesave. Por, rekordin për penalitetin e shifrës më të lartë në pagë gjatë muajit Korrik e mban sërish opozita, e më konkretisht, sërish deputetja Oriola Nebijaj.

Deputetët e gjobitur të mazhorancës:

Agron Çela 51,192 lekë
Plarent Ndreca 30,730 lekë
Paulin Sterkaj 30,715 lekë
Tatiana Nurçe 20,477
Bardhyl Kollçaku 20,477 lekë
Laert Duraj 20,477 lekë
Nasip Naço 20,477 lekë
Lavdrim Krrashi 20,477 lekë
Antoneta dhima 10,238 lekë
Fadil Nasufi 10,238 lekë
Alban Xhelili 10,238 lekë
Ilir Topi 10,238 lekë
Blendi Klosi 10,238 lekë
Eduard Shalsi 10,238 lekë
Pandeli Majko 10,238 lekë

Deputetët e gjobitur të opozitës:

Orjola Nebijaj 61,431 lekë
Andia Ulliri 51,192 lekë
Enkelejd Alibeaj 40,954 lekë
Flutura Açka 32,202 lekë
Gëzim Ademaj 20,477 lekë
Merita Bakiu 10,238 lekë
Lulzim Basha 10,238 lekë
Arbi Agalliu 10,238 lekë
Eralda Bano 10,238 lekë
Orjola Pampuri 10,238 lekë
Saimir Korreshi 10,238 lekë
Agron Gjekmarkaj 10,238 lekë
Albana Vokshi 10,238 lekë

Aktualisht deputetët e parlamentit paguhen 310 mijë lekë në muaj, pagë e cila u dyfishua në mars të vitit që lamë pas me vetë votat e tyre. Deri para një viti paga e deputetit rezultonte 156 770, ndërkohë që u rrit në 310 mijë lekë. Ndërkohë, paga e kryeministrit dhe kryetarit të Kuvendit shkoi rreth 395 mijë lekë në muaj, e Presidentit në 425 mijë lekë, kurse e ministrave në rreth 318 mijë lekë bruto. Bashkë me pagat u rritën edhe shpërblimet për deputetët, duke përfshirë rimbursimin e karburantit, qirasë dhe telefonit. Ndërkaq, shpërblimet nuk janë unifikuar, e për rrjedhojë, ndahen sipas aktivitetit të secilit deputet dhe sot disa prej tyre marrin deri në 385 mijë lekë çdo muaj.

kuvendi i shqiperise