Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Nga ndryshimet në strukturat e Partisë te marrëdhënia me Ilir Metën, Kryemadhi: Ndjehem e zhgënyer...
b.zPërditësimi i fundit 4 Qershor 2024, 22:20
Monika Kryemadhi
TIRANË- Deputetja e Partisë së Lirisë, Monika Kryemadhi, ka folur mbrëmjen e sotme mbi raportet me Presidentin e Partisë së Lirisë, Ilir Meta, ndërsa është ndalur edhe tek ndryshmimet që Meta bëri në strukturat e Partisë.
E ftuar në emisionin "Real Story", Kryemadhi theksoi se veprimet e tij të asaj natyre ndodhin kur ai kupton se diçka nuk shkon. Kryemadhi i ka cilësuar ndryshimet si një lëvizje e mirë, ndërsa është shprehur se gjërat kanë evoluar për mirë.
“Çdo gjëje që ka kaluar mund t’i bëjmë një analizë, por është ende herët për të bërë një analizë të ftohtë. Punët e brendshme Brenda PL sot, gjithë vërejtje e mia I kam ngritur në mbledhjet ku kam marrë pjesë. Është një e drejtë e presidentit të partisë për të bërë ekipin, sepse ai do të marrë përsipër dhe të mirat dhe të këqijat e drejtimit. Ai ka pasur zgjedhjet e veta, mitologjinë e vet, nuk është hera e parë, kur ai e ndjen që diçka nuk shkon, ai reagon në atë mënyrë. Megjithatë gjërat kanë evoluar”, tha ajo.
E pyetur a ndihet e tradhtuar nga bashkëpunëtorët, Monika Kryemadhi u shpreh se ndjehet e zhgënjyer.
“Nuk mund të them se ndihem e tradhtuar, sepse nuk i kam ftuar të bëjnë ndonjë aksion politik. Ndihem e zhgënjyer, sepse ka një gjë në jetën politike, se në jetën shoqërore kanë interesat e tyre. Një politikan e bën të suksesshme dhe solid karakteri, ti mund të mos jesh dakord me qëndrimet e mia politike, por qëndrimi njerëzit për shkak . Ka njerëz që kanë frikë t’i urojnë edhe ditëlindjen Kryemadhit për 50 -vjetorin. Vetëm nuk jam, kam shumë miq, mikesha, shokë, profesionistë, të cilët janë krah meje. Jam e lumtur dhe e qetë”, tha ajo.
