Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
"Një çyryk që të ketë rripin e pantallonave të Dules!" Gjikuria i përgjigjet Ramës: Nuk kam nevojë të ngas rripin e askujt, as t'i lëpihem njeriu
M.B.Përditësimi i fundit 4 Maj 2025, 15:09
DHËRMI- Kandidati i ASHM, Petro Gjikuria i është përgjigjur kryeministrit Edi Rama me anë të një postimi në rrjetet sociale pasi ky i fundit me nënkuptim e cilësoi gjatë një takimi elektoral si "një çyryk që të ka rripin e pantallonave të Vangjel Dules". Gjikuria shkruan se nuk ka nevojë të ngas rripin e askujt, as t'i lëpihet njeriu për rroga në shtet dhe poste publike. Ai shton se Rama ka 25 vjet që jeton nga taksat e shqiptarëve kurse ai kursimet e emigracionit dëshiron t'i investoj në vendlindje.
"Shpresoj që deri atëherë të mos kesh shkatërruar gjithë Shqipërinë siç ke shkatërruar nëpërmjet betonizimit dhe vjedhjes vendlindjen time, Dhërmiun", shprehet Gjikuria.
Postimi:
Komunikatë për shtyp e kandidatit për deputet të ASHM, Petro Gjikuria
Edi! Unë jam Petro Gjikuria nga Dhërmiu!
Nga internimi që më kishte dërguar lloji juaj ika në emigracion. Ate me ndershmëri dhe me djersën time arrita të jem një biznesmen i suksesshëm. Nuk më ka marrë njeriu me zot me në këtë sfidë politke, nuk kam ardhur nga katakombet dhe urat e Parisit. Thonjtë i kam gjithmonë të prerë, nuk kam trafikuar ikona, nuk jam kuruar asnjëherë në psiqiatri dhe nuk kam nevojë të ngas rripin e askujt, as t'i lëpihem njeriu për rroga në shtet dhe poste publike.
Ti Edi, ke 25 vjet që rron nga taksat e shqiptarëve kurse unë kursimet mia në emigracion dua t'i investoj në vendlindje. Shpresoj që deri atëherë të mos kesh shkatërruar gjithë Shqipërinë siç ke shkatërruar nëpërmjet betonizimit dhe vjedhjes vendlindjen time, Dhërmiun.
