Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Një qytetar humbi jetën pasi ra në kontakt me një shtyllë elektrike në mes të ujit"/ Partia e Lirisë denoncon Bashkinë Durrës: Të merren masa
PiranjatPërditësimi i fundit 5 Tetor 2025, 11:28
Anëtarja e Këshillit Bashkiak të Durrësit, Anisa Ibraj, ka denoncuar përkeqësimin e situatës infrastrukturore në qytet, duke theksuar se Bashkia vazhdon të mbështetet në projekte fasadë që nuk japin rezultate afatgjata.
Në një deklaratë për mediat, Ibraj tha se asfaltimi i rrugëve nuk ka mbijetuar as disa muaj, dhe se përmbytjet janë një problem i përvitshëm për qytetarët. Ajo kritikoi gjithashtu kanalizimet e bllokuara dhe sistemin e drenazhit të papërshtatshëm, i cili shkakton paralizimin e qytetit pas reshjeve të mëdha.
Ajo e quajti të papranueshme situatën, duke përmendur si shembull tragjedinë e ndodhur vetëm dy javë më parë, ku një qytetar humbi jetën pas kontaktit me një shtyllë elektrike të mbuluar nga uji. Ajo kërkoi që Bashkia të ndërmarrë masa konkrete për menaxhimin e ujërave dhe për të parandaluar përmbytjet gjatë dimrit.
Deklarata e anëtares së Këshillit Bashkiak në bashkinë e Durrësit, Znj. Anisa Ibraj.
Përshëndetje!
Bashkia e Durrësit vazhdon të merret me hedhje asfalti që nuk reziston as disa muaj dhe shpërbëhet me shirat e parë, ndërkohë që qytetarët përballen çdo vit me të njëjtin problem të madh, përmbytjet. Kanalet e ujërave janë të bllokuara, sistemi i drenimit është jashtë funksionit dhe çdo reshje e fortë e kthen qytetin në një vend të paralizuar. Cdo vit u premtohet familjeve te demtuara nga permbytjet se do rehabilitohet infrastruktura ne lagjet e tyre, dhe cdo vit ndodh po i njejti skenar. Duhet te merren masa reale për menaxhimin e ujërave dhe sigurinë publike por shohim vetëm projekte fasadë dhe shpenzim fondesh për tendera pa vlerë. Kjo situatë ka pasoja të rënda për qytetarët dhe bizneset, të cilët pësojnë dëme të përvitshme, por edhe tragjedi që nuk mund të quhen aksidente. Vetëm 2 javë më parë, një qytetar humbi jetën pasi ra në kontakt me një shtyllë elektrike në mes të ujit, ngjarje që tregon qartë nivelin e pakujdesisë dhe të mungesës së kontrollit institucional. Durrësi është një qytet bregdetar me potencial të madh ekonomik dhe turistik, por sot paraqet pamjen e një modeli dështimi në menaxhimin vendor, me rrugë të dëmtuara, infrastrukturë të amortizuar dhe mungesë transparence për fondet publike. Prandaj thirrja ime e parakohshme eshte që Bashkia e Durrësit të ndërmarrë masa konkrete dhe të menjëhershme per te parandaluar permbytjet gjate periudhes se dimrit, duke shmangur aksidente e raste tragjike ku demtohen shtepi, biznese dhe ku humben jete njerezish. Si anëtare e Këshillit Bashkiak ne Bashkine e Durrësit dhe përfaqësuese e Partisë së Lirisë, do të vazhdoj të ngre zërin kundër neglizhencës dhe abuzimit me fondet publike. Qytetarët e Durrësit meritojnë siguri, transparencë dhe investime që zgjasin, jo fasada që shemben me shirat e parë. Detyra ime është të jem në krah të qytetareve dhe të kërkoj llogari për çdo vendim që prek jetën dhe dinjitetin e qytetit tone.
