Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
"Nuk e provokova unë situatën! Shko bëj kallëzim!" Përplasje mes avokates dhe prokurorit në seancën e "Plumbit të Artë": Më tha ‘je në besën time, s’të bën gjë Nurdedin Dumani’
M.B.Përditësimi i fundit 17 Prill 2025, 13:58
TIRANA- Janë zbardhur përplasjet mes avokatëve dhe prokurorit të çështjes, Behar Dibra në GJKKO pasi Ilirian Dyzeni, mbrojtësi ligjor i Besian Xhixhës, tha se u kërcënua nga i penduari i drejtësisë Nuredin Dumani.
Mësohet se avokatja Elda Zotkaj kërkoi që të ndalohej seanca duke deklaruar se disa ditë më parë ka pyetur prokurorin e çështjes nëse kishte nisur hetime për kanosje ndaj avokatit, por, sipas saj, Prokurori tha “je në besën time, nuk të bën asgjë Nuredin Dumani”.
Avokatja deklaroi se do të ngrejë padi ndaj prokurorit, ndërsa Behar Dibra i konsideroi shpifje. GJKKO i tërhoqi vëmendjen Nuredin Dumanit dhe prokurorit, ndërsa mori vendmin për shtyrjen e seancës për në datën 22 prill.
Pjesë nga diskutimet në seancë:
Ilirian Dyzeni: Kryetari e Dhomës Kombëtare të Avokatisë na udhëzoi të dalim. Do dalim me vendim. Nuk mund të vijmë këtu e të përballojmë tensionin. Unë do tërhiqem, fola me Maks Haxhinë.
Genti Rumano: Të merrni masa konkrete edhe për prokurorin. T’i drejtoheni kryeprokurorit të SPAK me shkresë zyrtare.
Avokatja Elda Zotkaj: Po ashtu kërkoj të ndalohet seanca. Para disa ditësh pyeta prokurorin nëse ka nisur hetime për kanosje ndaj avokatit. Prokurori Behar Dibra më tha, je në besën time, nuk të bën asgjë Nuredin Dumani. Nuk e di që prokurori lidh besën me të pandehurin.
Prokurori Behar Dibra: Kërkoj të flas.
Prokurori Behar Dibra: Dua fjalën. Nuk e krijova unë atë situatë? Kush e provokoi? Janë shpifje.
Avokatja Elda Zotkaj: Ke dy dëshmitarë. Do bëj kallëzim për ty. S’kam frikë as zotin unë nga e vërteta. Ke kolegët e mi dëshmitarë.
Prokurori Behar Dibra: Shko bëj kallëzim. Mos shpif. Merrni vendim për vijim seance. Ose përndryshe merrni vendim për gjobën më të lartë.
Gjykata: Tregoni respekt për njëri tjetrin një herë, pastaj gjykatës. Është krijuar tension dhe amulli në seancë duke zhvendosur vëmendjen në situata që nuk kanë të bëjnë me faktet penale. I tërhiqet vërejtje dëshmitarit, Nuredin Dumani.
I tërhiqet vëmendje prokurorit që ka detyrë të marrë leje përpara se të flasë. Janë situata të përsëritura. Në momentin e parë që do të përsëritet e njëjta situatë, Gjykata do marrë vendime që nuk i ka marrë më herët.
