Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Vota e diasporës/ Gjermania, njoftim institucioneve dhe partive shqiptare: Lajmëroni 10 ditë para nëse doni të zhvilloni aktivitete elektorale në vendin tonë
M.B.Përditësimi i fundit 17 Prill 2025, 12:28
TIRANA- Ministria për Evropën dhe Punët e Jashtme, ka njoftuar Komisionin Qendror të Zgjedhjeve për një Notë Verbale nga ana e Ministrisë së Jashmte të Gjermanisë ku thuhet se paraqitjet e zyrtarëve dhe deputetëve, në aktivitete të zhvilluara në atë vend, të cilat iu drejtohen grupit të synuar të zgjedhësve të një shteti të huaj dhe janë me banim në Territorin Federal, kërkojnë miratimin e Qeverisë Federale.
Ministria jonë përcjell shkresën zyrtare gjermane, ku shtohet se leja duhet të kërkohet përmes një Note Verbale, drejtuar Ministrisë së Jashtme Federale, të paktën 10 ditë para aktivitetit. Sipas shkresës, aprovimi bëhet në kuadër të marrëdhënieve të politikës së jashtme, duke theksuar se nuk zëvendëson lejet e tjera ligjërish të nevojshme.
Gjithashtu ministria njofton se pjesëmarrjet në aktivitete duhet të jenë në përputhje me parimet e ligjit themelor dhe legjislacionit gjerman, veçanërisht sipas kritereve të drejtës së tubimeve dhe ushtrimit të të drejtës së shprehjes së opinionit publik.
Letra që Ministria e Jashtme i ka dërguar KQZ-së:
Ju risjellim dhe njëherë në vëmendje Noten Verbale të dërguar nga Ministria e Jashtme e Republikës Federale të Gjermanisë, ku përcillet njoftimin lidhur me mbajtjen e zgjedhjeve dhe referendumeve të një shteti të huaj në Territorin Federal.
Në Notën Verbale, bëhet me dije se paraqitjet e zyrtarëve dhe deputetëve në aktivitete të zhvilluara në Gjermani, të cilat iu drejtohen grupit të synuar të zgjedhësve të një shteti të huaj dhe janë me banim në Territorin Federal, kërkojnë miratimin e Qeverisë Federale.
Leja duhet të kërkohet përmes një Note Verbale, drejtuar Ministrisë së Jashtme Federale, të paktën dhjetë ditë para aktivitetit. Aprovimi bëhet në kuadër të marrëdhënieve të politikës së jashtme, duke theksuar se nuk zëvendëson lejet e tjera ligjërish të nevojshme. Pjesëmarrjet në aktivitete duhet të jenë në përputhje me parimet e ligjit themelor dhe legjislacionit gjerman, veçanërisht sipas kritereve të drejtës së tubimeve dhe ushtrimit të të drejtës së shprehjes së opinionit publik.
Duke ju falënderuar për bashkëpunimin e deritanishëm, lutemi përcjelljen e këtij informacioni institucioneve përkatëse të interesuara për marrjen pjesë në zgjedhjet e muajit maj 2025.
