Gjatë ditës së sotme janë raportuar 30 vatra zjarri në territorin e vendit, prej të cilave 7 mbeten aktive, 10 janë në...
POLITIKE
“Nuk votojmë kundër integrimit!”- PD bashkoi votat me PS-së në Kuvend, Berisha: Përveç faktorit gjeopolitikë, nuk plotësojmë asnjë kriter!
PiranjatPërditësimi i fundit 16 Maj 2026, 12:44
Kreu i Partisë Demokratike, Sali Berisha, në një komunikim me qytetarët ditën e sotme në rrjetet sociale, ka komentuar bashkimin e votave me PS-në për projektrezolutën për integrimin në BE, ku theksoi se ky akt dëshmoi që PD mbështet procesin.
Por, Berisha theksoi se teza e PD-së vazhdon të jetë ajo që kanë deklaruar gjithmonë, që janë pro integrimit në BE të bazuar në meritë dhe në performancë dhe ne përveç fakt porit gjeopolitikë, aktualisht Shqipëria nuk përmbush asnjë kriter.
“Ne, duke thënë të vërtetën, themi se jemi dakord për integrimin, por përveç gjeopolitikës nuk plotësojmë asnjë kriter. Nëse lexoni rezolutën, nga rreshti i parë deri te i fundit nuk gjeni absolutisht asnjë vlerësim për punën e parlamentit apo të qeverisë. Zero. Nga rreshti i parë deri te i fundit renditet kërkesa, detyra për parlamentin dhe qeverinë”, tha ai.
Më tej, kreu i PD-së tha se nëse ata do të pyeteshim se pas pesë muajsh Shqipëria do të integrohej në BE kështu siç është, nuk do të votonin kundër, pasi kjo, sipas tij, nuk është çështje e luftës ndërpartiake, por çështje e kombit.
Berisha: Rezoluta PS-PD shpreh atë që ne, si Parti Demokratike kemi deklaruar se mbështesim procesin e integrimit, ndonëse, theksoj, përveç kriterit gjeopolitik, Shqipëria nuk plotëson asnjë kriter. Kujtojeni këtë qëndrim tonin, tezën tonë kryesore.
Pas luftës në Ukrainë dhe ndryshimeve të tjera, në Bruksel u krijua opinioni se Ballkani Perëndimor duhet të integrohet pa vonesë dhe u krijua përshtypja se po sakrifikohej platforma e integrimit të bazuar në meritë për shkak të dominimit të faktorit gjeopolitik.
Ne, duke thënë të vërtetën, themi se jemi dakord për integrimin, por përveç gjeopolitikës nuk plotësojmë asnjë kriter. Nëse lexoni rezolutën, nga rreshti i parë deri te i fundit nuk gjeni absolutisht asnjë vlerësim për punën e parlamentit apo të qeverisë. Zero. Nga rreshti i parë deri te i fundit renditet kërkesa, detyra për parlamentin dhe qeverinë.
Pra, nëse ne insistojmë që për të ecur drejt integrimit duhet një proces me meritë, i bazuar në performancë, besoj se ne po mbrojmë interesat e qytetarëve. Nga ana tjetër, nuk guxuan kundërshtarët tanë të mbrojnë qoftë edhe një arritje të vetme të tyre. Lexojini.
Unë dua t’ju them se, nëse nesër do të pyeteshim se pas pesë muajsh Shqipëria do të integrohej në BE kështu siç është, ne nuk do të votonim kundër, sepse kjo nuk është çështje e luftës ndërpartiake, por çështje e kombit. Integrimi dihet të jetë i bazuar në meritë, lexoni edhe paragrafin e fundit që thotë këtë gjë.
