“O partinë, o kandidatin”/ Fleta voluminoze krijon konfuzion, Celibashi shpjegon si të votoni më 11 Maj që vota juaj të quhet e vlefshme

TIRANË- Për të gjithë ju që keni paqartësi sa i takon mënyrës si duhet të votoni më 11 Maj, kryekomisioneri Ilirjan Celibashi i shpjegoi në detaje të gjithë hapat. Celibashi ishte sonte i ftuar në studion e “Opinion” ku shpjegoi se si duhet të veprojë një votues. Fleta e votimit është tejet voluminoze, kështu që mund të krijohet konfuzion. 

Celibashi gjatë fjalës së tij u shpreh se ka dy mënyra votimi, për partinë ose koalicionin e partive. Ai theksoi se qytetari mund të votojë vetëm subjektin politik dhe të mos vërë asnhë kryq tek emri i një kandidati. Po ashtu e anasjellta, mund të shënohet vota për një kandidat edhe pa zgjedhur parti politike. Kreu i KQZ theksoi se nëse shënohen dy kryqe, fleta e votimit është përsëri e vlefshme.

Ai shtoi se nëse voton një parti, edhe kandidati duhet t’i përkasë po asaj partie. Në rast të kundërt, vota juaj nuk vlen! (Përshembull nëse ju votoni një parti, por edhe kandidatin e një partie tjetër)

“Do duhet të zgjedhë, o partinë o kandidatin! Nëse voton vetëm kandidatin, vota i shkon edhe partisë”, theksoi Celibashi.

Ai theksoi se në fletën e votimit janë edhe emrat e ‘garuesve’ në listë të mbyllur. Celibashi tha nëse vendosët kryqi tek njëri prej emrave tek kjo listë, fleta e votimit nuk “del jashtë loje”, por ama nuk ka sens. Sipas tij vota juaj s’ka vlerë në këtë rast. Kryekomisioneri tha se renditja e kandidatëve për deputet bëhet në bazë të votave më pas, për marrjen e mandateve. Megjithatë respektohet rregulli që kandidati i tretë në çdo listë duhet të jetë grua.

celibashi zgjedhjet e 11 majit