Ndërsa vendet që mbështesin Kievin po shtojnë ndihmat e tyre ushtarake, Moska flet për një afrim të mundshëm me SHBA-n...
POLITIKE
“Oficeren që hiqej si psikologe me të miturit e arrestuar me 10 shkurt, do ta gjejmë!”, Berisha thirrje policisë: Mos zbatoni urdhrat e Prodës dhe Sokol Bizhgës
PiranjatPërditësimi i fundit 16 Shkurt 2026, 19:00
Gjatë “Foltores” së zhvilluar këtë të hënë në Tiranë, kreu i Partisë Demokratike, Sali Berisha, u bëri thirrje efektivëve të Policia e Shtetit që të mos ndikohen nga “urdhra të paligjshëm” gjatë protestave të opozitës.
Berisha paralajmëroi se çdo formë keqtrajtimi ndaj qytetarëve apo të rinjve do të përballet me reagim të fortë, ndërsa dënoi atë që e cilësoi si dhunë fizike dhe psikologjike ndaj të arrestuarve pas protestës së 10 shkurtit. Në fjalën e tij, ai theksoi se lëvizja e opozitës është një “kryengritje paqësore” në mbrojtje të lirisë dhe dinjitetit, duke shtuar se protesta e radhës do të jetë një tjetër moment përballjeje me qeverinë.
“Ju mblidheni këtu në emër të idealeve të lirisë, të dinjitetin njerëzor e kombëtar. Një përshëndetje për të gjitha ata që mbushën rrugët në kryengritjen tonë paqësore. Të rinjtë ishin forca energjia dhe u bënë tmerri i narko-regjimit më datën 10 shkurt. Sot ju them se është shans i madh i jetës suaj të filloni jetën politike në mbrojtje të vendit tuaj. Është shansi i madh i juaj, mision i jetë suaj për të cilin do të ndjeheni krenar. Unë dënoj dhunën terrorin fizik dhe psikolog që u ushtrua në komisariatet e policisë ndaj të rive, adoleshentëve, histerinë në parlament të hajdutëve socialistë. Unë paralajmëroj policinë se nuk do tolerohet asnjë keqtrajtim ndaj qytetarëve dhe të rinvje. I them oficeres që paraqitej si psikologe tek adoleshentët e arrestuar. Do të gjejmë cila je e zeza ti, ligji do të jetë shumë i rreptë mbi. Të shkojë me uniformë mashtrimi, nuk duhet të harroje se je motër, nënë bashkëshorte. Ju nuk kemi asgjë të përbashkët me kriminel Prodën dhe Sokol Bizhgën, urdhrat e tyre asnjë të mos i zbatojë”, tha Berisha.
