Ndërsa vendet që mbështesin Kievin po shtojnë ndihmat e tyre ushtarake, Moska flet për një afrim të mundshëm me SHBA-n...
POLITIKE
Takimi i Ramës me banorët që preken nga TID, Këlliçi: 30 metrat e pa censuruara, sentimenti real i njerëzve
PiranjatPërditësimi i fundit 16 Shkurt 2026, 18:21
Deputeti i Partisë Demokratike, Belind Këlliçi, ka reaguar pas vizitës së kryeministrit Edi Rama në Durrës ku zhvilloi takim me banorët që preken nga projekti TID.
Në një postim në rrjetet sociale, Këlliçi thekson se momenti i përballjes së drejtpërdrejtë mes Ramës dhe qytetarëve, nga dera e bashkisë deri te automjeti i tij, nxori në pah – sipas tij – “sentimentin real” të njerëzve, të cilët kërkojnë drejtësi dhe ndëshkim për atë që ai e cilëson si keqadministrim dhe lidhje me korrupsionin.
Ai shtoi se pritja që qytetarët i rezervuan këtij të fundit është tregues i mllefit dhe pakënaqësisë ndaj 13 viteve qeverisje.
Postimi i plotë
Po në ato 30 metra pa lavdi, Kodi do të të mbrojë?!
Edi Rama është gjithnjë i rrethuar me gardë e kordonë sigurie, me audiencë të përzgjedhur mes militantësh e patronazhistësh dhe kontaktin me realitetin e ka zëvendësuar me propagandë. Një sferë e mbyllur ku ai krekoset çdo ditë. Shmang përballjet në studio, parlamentin, dhe çdo instancë ku duhet të japë llogari. Tani i shtoi kësaj korace dhe imunitetin ekstra me Kod!!!
Por ajo që ndodhi në Durrës të shtunën, është një copëz që i shpëtoi kontrollit. Eshtë realiteti. Në të vetmin moment nga dera e bashkisë te makina, ku pati ballafaqim me qytetarët, Edi Rama mori këto mesazhe: hajdut pronash, i lidhur me krimin, ku e ke Gysin, dhe padyshim emblematikja, Rama ik. Kjo pritje do t'i rezervohej kryeministrit më të korruptuar në Europë në çdo shesh, e kudo ku do të kishte një afërsi me njerëzit, jashtë mekanizmit propagandues e filtrave të sigurisë. Ato 30 metra në Durrës të paçensuruara dot, janë sentimenti i popullit për të, janë e vërteta e qeverisjes 13 vjeçare.
Ato sekonda dëshmojnë se qytetarët nuk kanë më frikë. Kanë ardhur në momentin kur pushteti i korruptuar dhe i lidhur me krimin u ka marrë gjithçka dhe shumë vite të jetës. Qytetarët nuk duan më vetëm të ndahen nga ky makth 4 mandatesh, por duan drejtësi, pra ndëshkim!
Pas atyre 30 metrave 'walk of shame', Edi Rama do marrë çdo masë që e tillë skenë të mos ndodhë më. Po kjo nuk do të thotë që pakënaqësia e mllefi do ikin, meqë s'do shfaqen në publik. Përkundrazi, do shtohen!
Bashkë me qytetarët me motrat e vëllezërit, me të rinjtë e të rejat e këtij vendi do ta manifestojmë me të madhe këtë të vërtetë me 20 shkurt, para zyrës së krimit dhe korrupsionit. Pas 4 ditësh, me pasion, me energji, me dashuri për Shqipërinë
