Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
PE seancë dëgjimore për Shqipërinë/ Eurodeputeti: Duhet transparencë në zgjedhjet e 11 majit, partitë duhet të jenë të barabarta gjatë fushatës
M.B.Përditësimi i fundit 9 Prill 2025, 21:32
BRUKSEL- Komiteti i Jashtëm i Parlamentit Europian ka diskutuar sot për procesin e përgatitjes së zgjedhjeve parlamentare të 11 majit dhe rrugën e Shqipërisë drejt anëtarësimit në BE. Eurodeputeti Andrey Andreev Kovache ngriti shqetësimin për blerjen e votës sidomos në komunitete vulnerable në Shqipëri. Ai shtoi se gjërat kryesore për ata duhet të jetë garancia që ndryshimet në Kodin Elektoral të minimizojnë problemet që janë evidentuar në raportin për zgjedhjet lokale të vitit 2023.
Pjesë nga fjala e Andrey Andreev Kovache:
Ne nuk jemi këtu për të bërë propagandë partish, por jemi këtu që ti përmbahemi principeve. Shqipëria është një vend i rëndësishëm kandidat për ne dhe do të donim që të kishte shumë sukses në rrugën europiane dhe vlen të theksohet se edhe opozita është në të njëjtën anë të integrimit në Europë. Duke parë raportin e zgjedhjeve lokale të vitit 2023, dua të them se ka disa problematik, siç është blerja e votave, veçanërisht në komunitete vulnerable në Shqipëri.
Manipulimi i listës së votave dhe përdorimi i burimeve shtetërore në fushatë, do të doja të dija dhe të dëgjoja nëse në tani në këto zgjedhje të ardhshme, a do të ketë transparencë dhe ndershmëri në procesin elektoral të 11 majit. Të gjitha partitë, përfshirë opozitën dhe partitë të tjera duhet të jenë të barabarta gjatë fushatës. Këto janë principe bazike, që aplikohen për të gjitha vendet, si brenda Bashkimit Europian, por edhe jashtë tij, veçanërisht për vendet që janë kandidate.
Mendoj se gjërat kryesore për ne duhet të jenë garancia që ndryshimet në Kodin Elektoral të minimizojnë problemet që janë evidentuar në raportin për zgjedhjet lokale të vitit 2023. Është shumë e rëndësishme që të ketë transparencë, ndershmëri dhe barazi për të gjitha partitë në procesin elektoral.
