"Për pjesën time flas vetë!" Rama në Lezhë me kandidatët e PS-së, batuta me Manjën: Thonë të tjerët se mos di ndonjë gjë Ulsiu

LEZHA- Kryeministri njëherësh dhe kryetari e Partisë Socialiste Edi Rama ka vijuar sot turin e tij në qarkun e Lezhës, ku pas inspektimeve dhe vizitave, mes tyre edhe ai te shtëpia e poetit Gjergj Fishta, ka mbledhur strukturat lokale dhe kandidatët për deputetë. Rama prezantoi skuadrën e tij për atë që e quan "për Shqipërinë në BE 2030".

Rama bëri batutë me fjalimin e ministrit të Drejtësisë Ulsi Manja, që tha se kryeministri do jetë në detyrë edhe në fitoren e "mandatit të pestë". Nga ana tjetër Rama ftoi të rinjtë që të bëheshin pjesë e projektit socialist PS të ardhmen europiane.

“Mes energjisë së të rinjve, prezantojmë skuadrën e re për Shqipërinë në BE... Jo se PS nuk do marri mandatin e pestë. Për pjesën time nuk flet Ulsiu, flas vetë. Por Ulsiu deputet po, ministër po, prokuror po, por thonë të tjerët se mos di ndonjë gjë Ulsiu. Ja sa dorëzove ti detyrën, ra qetësia.

Përfituesit më të mëdhenj të 11 majit do jetë gjenerata juaj, për Shqipërinë në BE. Do jeni ju masivisht, që mbështesni planin europian, planin ambicioz për mbyllje negociatash më 2027 dhe anëtarësimin e Shqipërisë brenda kësaj dekade"”, tha Rama.

edi rama