Presidenti izraelit Isaac Herzog, vizitë zyrtare të enjten në Shqipëri, zbardhet axhenda

Isaac Herzog

TIRANA- Presidenti izraelit Isaac Herzog është nisur mbrëmjen e sotme drejt Ballkanit ku sipas zyrës së tij, do të zhvillojë dy vizita zyrtare, përkatësisht në Shqipëri dhe në Serbi. Vizita dy-ditore e presidentit Isaac Herzog shënon herën e parë që një udhëheqës izraelit do të shkelë në vendin tonë. Mësohet se vizitat e tij do të nisin ditën e mërkurë, nesër, në Serbi. Zyra e tij tha se udhëtimi synon të forcojë sigurinë, partneritetet strategjike dhe politike gjatë luftës.

Ndërkohë në vendin tonë, presidenti izraelit pritet të mbërrijë ditën e enjte ku do të pritet nga presidenti Bajram Begaj. Pas mbërritjes së tij, dy presidentët do të zhvillojnë një takim diplomatik. Më pas, Herzog do të takohet me kryeministrin e Shqipërisë Edi Rama dhe kryetaren e Kuvendit, Elisa Spiropali.

Gjithashtu, njoftohet se presidenti izraelit do të takohet me pasardhës të qytetarëve shqiptarë që kanë punuar për të shpëtuar hebrenjtë gjatë periudhës së Holokaustit. Mësohet se Herzog do ta mbyllë vizitën e tij me një ceremoni në memorialin e Holokaustit, në përkujtim të shpëtimit të hebrenjve në Shqipëri, me ftesë të kryebashkiakut të Tiranës, Erion Veliaj, me pjesëmarrjen e komunitetit hebre.

"Vendet, miq të ngushtë të Izraelit, e mbështesin atë pa rezerva në shumë forume ndërkombëtare dhe ruajnë sigurinë dhe bashkëpunimin e gjerë strategjik me Izraelin," tha zyra e Herzog.

isaac herzog