Projekt buxheti i vitit 2025/ SPAK, më pak para? Prokurori në Komisionin e Ligjeve: Do të kërkonim rishikimin sipas kërkesës së paraqitur

TIRANA- Në komisionin e ligjeve, prokurori i Prokurorisë së Posaçme, Alfred Shehu tha se projekt buxheti i vitit 2025 ka parashikuar 600 milionë lekë, 111 milionë lekë më pak nga nevojat e SPAK. Shehu shtoi se diferenca nga kërkesa e tyre me projekt buxhetin është në shifrën 198.170.472 lekë. Po ashtu ai tha se kërkesa shtesë nga SPAK në programin e dytë buxhetor afatmesëm kanë rezultuar me një diferencë shtesë 67 milionë lekësh të cilat janë të detajuara.

“Projekt buxheti i vitit 2025 ka parashikuar 600 milionë lekë, 111 milionë lekë më pak nga nevojat e SPAK, në parashikimet buxhetore për këtë vit edhe pse është reflektuar shqetësimi ynë lidhur me fondet buxhetore për sa i përket shpenzimeve kapitale, investimeve konstatojmë se nuk janë marrë në konsideratë kërkesat shtesë lidhur me pagat.

Diferenca bazuar në kërkesat buxhetore nga ana jonë, diferenca nga kërkesa jonë me projekt buxhetin është në shifrën 198.170.472 lekë. Kërkesa shtesë nga SPAK në programin e dytë buxhetor afatmesëm kanë rezultuar me një diferencë shtesë 67 milionë lekësh të cilat janë të detajuara. Ka prioritet përfundimi i rikonstrukturimit të godinës së re dhe urës lidhëse mes dy godinave, do të kërkonim rishikimin sipas kërkesës së paraqitur për një shtesë në shumën 119 milonë lekë në zërin e investimeve”, tha Shehu.

spak