Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
POLITIKE
Qeveria e Kosovës propozon sanksione shtesë ndaj Rusisë
ZH.LLPërditësimi i fundit 27 Dhjetor 2024, 11:53
Flamuri i Kosoves
KOSOVA- Qeveria e Kosovës ka propozuar masa shtesë ndaj Rusisë, duke bërë që të përforcohen më shumë ato ekzistuese. Ditën e sotme, në mbledhjen e qeverisë është miratuar shqyrtimi i propozim-vendimit për ndryshimin dhe plotësimin e vendimit të qeverisë për të datës 13 qershor 2014 për zbatimin e sanksioneve ndërkombëtare.
Ndër masat e reja të Kosovës është zgjerimi i listës së personave dhe entiteteve të sanksionuar, ndaj individëve dhe aktiviteteve të reja të ndërlidhura me aktivitetet destabilizuese ushtarake të Rusisë, që kërcënojnë integritetin territorial, sovranitetin dhe pavarësinë e Ukrainës. Sanksionet përfshijnë edhe sektorin e gazit të lëngshëm, ndalimi i teknologjisë, etj.
“Zgjerimin e listës së personave dhe entiteteve të sanksionuar, çka nënkupton individë dhe aktivitete të reja të ndërlidhura me aktivitetet destabilizuese ushtarake të Rusisë, kufizime të reja si ndalimi i teknologjisë së avancuar, të mallrave që kanë impakt në kapacitetin industrial edhe ushtarak të Rusisë, dhe ndalimi i importeve. Po ashtu edhe sanksione në sektorin e gazit të lëngshëm natyror, masa kundër 50 anijeve që Rusia përdor”, janë disa nga masat e reja të prezantuara nga Qeveria e Kosovës.
