Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
Rama kërcënon votën kundër: S’është presion, por me opozitarët s’ka bashkëpunim në bashki
PiranjatPërditësimi i fundit 26 Prill 2023, 11:57
Kryeministri Edi Rama ka bërë sot thirrje anti- kushtetuese dhe ka kërcënuar se nuk do të njohë votën e shqiptarëve nëse ata do të votojnë kandidatët e djathtë në zgjedhjet e 14 majit.
Duke folur në një deklaratë për mediat në përfundim të mbledhjes së kryesisë së PS-së, ai tha se kandidatët e djathtë nëse zgjidhen, do t’i përdorin bashkitë si barrikada politike kundër qeverisë. Për këtë arsye, sipas Ramës, me ata nuk ka bashkëpunim.
“Nuk kam folur për kandidatë kundërshtarë, kam folur për kukulla të një çifti ku kemi një non grata të shpallur nga SHBA, kemi thirrje të përsëritura nga aleati ynë për të bërë shumë kujdes në këtë pikë sepse zgjedhja është e shqiptarëve, por cilësia e marrëdhënieve me Shqipërinë është e aleatëve tanë.
Ata e vendosin se çfarë natyre kanë raportet e tyre me ne në momentin kur një individ i shpallur non grata dhe jo dosido, por një nga më të rëndësishmit në këto 30 vite, mban damkën e personit të padëshirueshëm. Ky nuk është presion por mënyrë për t’ia thënë drejtpërdrejtë njerëzve se do jetë i pamundur bashkëpunimi, por sepse këta kandidatë nuk janë vënë aty për të zgjidhur hallet e komunitetit por për ngritur barrikada të luftës politike”, tha Rama.
Sipas tij “Kundërshtarët tanë vërtetë janë problemet që ka çdo bashki dhe janë problemet që kemi për të zgjidhur si vend. Jemi në një moment të jashtëzakonshëm për nga shumë elementë sepse po dalim nga një kthesë e madhe, e fortë në planin ekonomik. E ndoqët raportin e fundit të BB për rajonin dhe vlerësimet shumë domethënëse për ekonominë shqiptare”.
