Rama "këshilla konstruktive" për SPAK: Mos furnizoni miletin me sekrete hetimore por bëni punën tuaj

edi rama

TIRANË- Kryeministri Edi Rama në mbledhjen me grupin parlamentar të PS-së, ka shprehur dhe kritikat e këshillat që ai i quan "konstruktive" për Prokurorinë e Posaçme. Sipas tij, në vend që të merren me deklaratat që ai bën, duhet të fokusohen të bëjnë punën e tyre. Rama tha se SPAK dhe GJKKO-së nuk i vjen e keqja nga PS. Më tej shtoi se prokurorët nuk duhet "të furnizojnë miletin me sekrete hetimore" dhe të mos kthehen në redaksi gazetash dhe portalesh,

“Në vend që të merren me deklaratat e mira dhe sa herë unë bëj deklarata, të bëjnë njoftime për shtyp, të bëjnë punën e tyre. E kanë gjithë mbështetjen tonë! T’i dëgjojnë këto si kritika dhe shqetësime konstruktive. Për ne, për PS-në, Gjykata Speciale dhe SPAK rrojnë 1000 vjet dhe nuk u vjen e keqja nga ne. Mos t’i ndjekin mediat sikur janë parti politike, të ndërpresin marrëdhëniet me gazetarët specialë, të mos furnizojnë miletin me sekrete hetimore, të mos bëhen redaksi. Të mos sillen sikur janë redaksi gazetash, portalesh, kanalesh. Të bëjnë punën e tyre! Sa herë që do të kapin korrupsion, atë shpatën ta hapin krahun me gjithë forcën. Por korrupsion ama, korrupsion!”, deklaroi Rama.

edi rama