Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
Raporti i OECD për klimën e biznesit, Tedi Blushi: Shqipëria ka një rezultat prej vetëm 56 pikësh, nën mesataren e rajonit prej 66 pikësh
PiranjatPërditësimi i fundit 3 Tetor 2025, 15:45
Sekretari i Përgjithshëm i Partisë së Lirisë, Tedi Blushi, ka komentuar raportin e fundit të OECD për Ballkanin Perëndimor, i cili e rendit Shqipërinë në fund të listës për klimën e biznesit. Sipas raportit, Shqipëria ka një rezultat prej vetëm 56 pikësh, nën mesataren e rajonit prej 66 pikësh.
Blushi ka theksuar se ky rezultat tregon rënien e vendit që nga vitet 2014-2016, duke rrëzuar propagandën e qeverisë për përparim në përmbushjen e standardeve të Bashkimit Europian. Ai ka kritikuar gjithashtu nivelin e ulët të qarkullimit tregtar ndërkombëtar dhe kontrollin e dobët të korrupsionit, duke theksuar se flukset financiare të paligjshme arrijnë deri në 4 miliardë euro në vit.
Sipas Blushit, ekonomia informale është një problem madhor për Shqipërinë, e cila ka një nivel të lartë të ekonomisë së zezë, që arrin deri në 30-35% të PBB-së. Ai ka theksuar se sektori i ndërtimit, një nga më aktivët në ekonomi, është veçanërisht i ekspozuar ndaj financimeve joformale.
Deklarata e plotë nga Tedi Blushi:
Raporti i fundit i OECD, i financuar nga Presidenca polake e Bashkimit Europian, për Konvergjencën ekonomike për Ballkanin Perëndimor për vitin 2025, e rendit Shqipërinë në fund të listës sa i përket klimës së biznesit. Sipas të dhënave, që bazohen në analizën e 35 treguesve konkretë në 5 fusha të ndryshme, Shqipëria renditet vendi i fundit në rajon me 56 pikë, nën mesataren e Ballkanit Perëndimor prej 66 pikë për klimën e biznesit. Që nga periudha 2014-2016, rezultati i vendit tonë ka pësuar rënie, duke rrëzuar propagandën e gënjeshtër të Qeverisë për përparim në arritjen e standardeve të Bashkimit Europian. Po kështu Shqipëria ka treguesin më të ulët për qarkullimin tregtar ndërkombëtar (25.8 nga mesatarja 44.7) dhe kontrolli i korrupsionit mbetet i dobët (27.7 nga 33.1 i mesatares së BP). Të dhënat tregojnë se flukset financiare të paligjshme arrijnë në të paktën 4 miliardë euro në vit, që përfaqësojnë rreth 17% të Prodhimit të Brendshëm Bruto (PBB). Ekonomia informale përbën një problem madhor, duke zënë gati 30–35% të PBB-së, ose rreth 7 deri në 8 miliardë euro, duke e renditur Shqipërinë ndër vendet me nivelin më të lartë të ekonomisë së zezë në Europë, ku mesatarja qëndron rreth 10%. Sektori i ndërtimit, një nga më aktivët në ekonomi, është veçanërisht i ekspozuar ndaj financimeve joformale. Vetëm 22% e këtij sektori financohet nga kredia bankare, sipas të dhënave të Bankës së Shqipërisë, ndërsa pjesa tjetër vjen nga burime të paqarta. Paraja jashtë sistemit bankar arrin në 4.5 miliardë euro, ose 18% të PBB-së, dy herë më shumë se mesatarja e BE-së. Investimet e huaja direkte (FDI) janë gjithashtu të deformuara. Ndërkohë që sektori industrial dhe prodhimi kanë rënë vazhdimisht, investimet e huaja në pasuri të paluajtshme janë rritur ndjeshëm, nga 5.7% e PBB-së në vitin 2014 në rreth 29% aktualisht. Megjithatë, Shqipëria ka shkallën më të ulët të rritjes së FDI-së në rajon dhe pozicionohet më dobët se të gjitha vendet e Ballkanit Perëndimor për klimën e biznesit dhe infrastrukturën. Tregtia e jashtme përforcon dramën në ekonominë e vendit. Në tremujorin e parë të vitit 2025, deficiti tregtar i mallrave arriti -25.3% të PBB-së. Eksportet vjetore janë rreth 4 miliardë euro dhe kanë qenë në rënie për tre vite me radhë. Bujqësia, që ende punëson 30% të forcës punëtore, ka qenë në tkurrje të vazhdueshme që nga viti 20 21. Ndërkohë, remitancat (1.2 miliardë euro/vit) dhe turizmi (që përfaqëson 20–25% të PBB-së) nuk e justifikojnë forcimin e ndjeshëm të lekut ndaj euros me rreth 30% që nga viti 2015. Reforma të thella për të përshpejtuar konvergjencën e të ardhurave në BE janë të domosdoshme për të nxjerrë vendin nga këneta e narkoekonomisë dhe pastrimit të parave ku e ka zhytyr vendin qeverisja 12-vjeçare e Edi Ramës. Vetëm me një model të ri ekonomik, që zhbën modelin actual të narkoekonomisë të ndërtuar nga Edi Rama e që bazohet te ndërtimi dhe konsumi, Shqipëria mund të arrijmë ngushtimin e përshpejtuar të diferencës së të ardhurave me vendet e rajonit dhe mesataren e vendeve europiane. Vetëm me rritje të Prodhimit të Brendshëm Bruto mbi 8% në vit dhe shndërrimin e Shqipërisë në fuqi eksportuese, pjesë e pesë prioriteteve të Partisë së Lirisë për 4 milion shqiptarë plus, ne do të mund të përshpejtojmë afrimin e vendit me Bashkimin Europian.
