"Reformat mund të kthehen lehtësisht në bomba totalitarizmi", Beleri akuza nga Strasburgu: Drejtësia në duart e Ramës si në rastin tim dhe liderit të opozitës!

Beleri

STRASBURG- Eurodeputeti, Fredi Beleri ka ardhur drejt Strasburgut ku ka mbajtur fjalën e tij për herë të parë në Parlamentin Europian. Beleri dy javë më parë u lirua me kusht nga Gjykata e Fierit pas 16 muajve qëndrim pas hekurave si i dënuar për shitblerje votash. Ndërkohë sot ai tashmë ka nisur punën e tij si eurodeputet ndërsa gjatë fjalës së tij u shpreh se një institucion, vendosmëria e të cilit u provua me aftësinë për ta liruar nga qelia në Shqipëri, ku qëndroi për 16 muaj

“Me emocion të madh po i drejtohem, për herë të parë seancës së Parlamentit Evropian. Një institucion, vendosmëria e të cilit u provua me aftësinë për të më liruar nga qelia në Shqipëri, ku qëndrova për 16 muaj”, tha Beleri.

Beleri iu drejtua ligjvënësve të unionit si eurodeputet i zgjedhur nën logon e partisë së kryeministrit grek, Kyriakos Mitsotakis, duke vendosur në themel të fjalimit të tij integrimin e Shqipërisë. Ai shprehu rezervat për mënyrën sesi kryeministri Edi Rama po qeveris vendin ndërsa shtoi se situata aktuale në Shqipëri tregon se reformat mund të kthehen lehtësisht në “bomba totalitarizmi” mbi themelet e një shteti demokratik. 

“Sot, jam këtu si një eurodeputet i një grupi minoritar grek që vjen nga një shtet anëtar i BE, por ka lindur në një vend që aspiron të bashkohet me familjen evropiane. Fatkeqësisht, megjithatë, ky vend vazhdimisht po largohet nga Evropa në vend që t’i afrohet.

Situata aktuale në Shqipëri tregon se reformat mund të kthehen lehtësisht në “bomba totalitarizmi” mbi themelet e një shteti demokratik. Kjo ndodhi edhe me reformën gjyqësore të financuar nga burimet evropiane. Qeveria shqiptare ka vendosur drejtësinë në duart e saj, gjë që nuk e bëri vetëm në rastin tim, por edhe të liderit dhe zyrtarëve të tjerë opozitar”, tha Beleri.

beleri rama