Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
POLITIKE
Rishikimi i masës “arrest në burg”, Gjokutaj: Po kërkohet të vuloset ligjërisht korrupsioni
PiranjatPërditësimi i fundit 9 Prill 2026, 22:17
Avokati Genc Gjokutaj ka komentuar nismën e kreut të Gjykatës së Lartë për rishikimin e masës “arrest në burg”. Gjokutaj tha se ndryshimi i ligjit është thjesht vulë për korrupsionin shtetëror.
Sipas tij, e gjithë kjo lojë bëhet nga Rama për t’u treguar të tijëve se “unë po ju shpëtoj edhe nga burgu”.
Pjesë nga biseda:
Borakaj: Pse keni rezerva ndaj kësaj iniciative?
Gjokutaj: Ky arresti në burg është bërë si ushkur në kohë. Unë jam skeptik, sepse gjithmonë në proceset ku personazhet janë politikanë nuk kanë një zanafillë juridike, por nga temperatura politike, dhe kjo është një praktikë e vjetër. Si procedurë duket juridike, por është politikisht e pastër.
Borakaj: Pse?
Gjokutaj: Kuadri ligjor i jep dorë të lirë gjykatës për të dhënë vendimin burg ose jo, i ka kushtet dhe kriteret e arta për kufizimet për gratë shtatzëna dhe moshat e thyera. Nuk e di çfarë pasqyrimi do t’i bëjë kjo gjykatë e stërlodhur nga proceset politike. Këta që duan të njësojnë praktikën kanë bërë thagma, edhe pa lexuar dosjet i kanë kaluar të gjithë në burg. Ngrehen këta tani dhe në kushtet që SPAK filloi të shkelë pedalin e gazit, nuk kishin ndonjë mënyrë tjetër ta pengojnë. Do vijnë këta të pandehur dhe këta nuk pranojnë të shkojnë në burg.
Është gjetur kjo zgjidhje, sepse Rama mund të mos jetë një lider i mirë, por është një hileqar i përkryer. Ndryshimi i ligjit do të ketë vulën e vullnetit politik, pra një dorashkë që Rama u hedh këtyre njerëzve që mos përfundojnë në burg, që gjoja ky do i shpëtojë në fund. Ky është korrupsioni shtetëror që Rama do ta kalojë me ligj.
Borakaj: Po nëse janë 16 gjyqtarë?
Gjokutaj: Mund të jenë edhe 160, ata janë përzgjedhur.
Borakaj: Ju thoni se mbi 9 prej këtyre Rama ushtron kontroll?
Gjokutaj: Rama ushtron mbi 16-të, se ky i blen. Ky blen personin, blen interesin.
