Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Çdo gjë që ndodh rreth e qark nesh, drejtëpërdrejtë nga kryeqyteti. Revista ditore e ndodhive brenda dhe jashtë vendit vj...
POLITIKE
Bardhi: Maxhoranca votoi kundër SPAK! Nga sot, është zyrtarisht kërcënim për drejtësinë
PiranjatPërditësimi i fundit 12 Mars 2026, 12:54
Kreu i Grupit Parlamentar të Partisë Demokratike, Gazment Bardhi e ka cilësuar maxhorancën socialiste, e cila rrëzoi me votat e saj kërkesën e SPAK për arrestimin e Belinda Ballukut, si kërcënim për pavarësinë e sistemit të drejtësisë dhe integrimit evropian të vendit.
Në një reagim zyrtar, Bardhi thekson se maxhoranca votoi kundër Prokurorisë së Posaçme për të mbrojtur kryeministrin Edi Rama dhe për t’i vendosur drejtësisë vijën e kuqe se deri kur mund të shkojë.
“Prej sot, mazhoranca e Edi Ramës është zyrtarisht kërcënim për pavarësinë e sistemit të drejtësisë dhe integrimit europian të Shqipërisë. Ata votuan sot kundër SPAK-ut për një arsye të vetme: për të mbrojtur Edi Ramën dhe për t’i vendosur drejtësisë vijën e kuqe se deri ku lejohet të hetojë.”, thotë ai.
Sipas tij, Rama sot iu tregoi shqiptarëve se është kundër asaj narrativës që ka përsëritur ndër vite se askush nuk është mbi ligjin. Bardhi shton se problemi nuk është mungesa e provave për korrupsionin e Ballukut, por kryeministri i vendit që pengon drejtësinë që të veprojë shpejt.
“Integrimi europian matet me mënyrën si trajtohet korrupsioni në pushtet dhe me mënyrën si veprojnë institucionet për të mbrojtur ligjin. Sot Edi Rama dha përgjigjen më të keqe të mundshme: mbrojti korrupsionin dhe shpalli fajtore drejtësinë.”, shtoi Bardhi.
REAGIM I KRYETARIT TË GRUPIT PARLAMENTAR TË PD, GAZMENT BARDHI
KUNDËR DREJTËSISË. KUNDËR SHQIPTARËVE. KUNDËR EUROPËS.
Prej sot, mazhoranca e Edi Ramës është zyrtarisht kërcënim për pavarësinë e sistemit të drejtësisë dhe integrimit europian të Shqipërisë.
Ata votuan sot kundër SPAK-ut për një arsye të vetme: për të mbrojtur Edi Ramën dhe për t’i vendosur drejtësisë vijën e kuqe se deri ku lejohet të hetojë.
Për 10 vjet Edi Rama u tha shqiptarëve dhe partnerëve ndërkombëtarë se askush nuk është mbi ligjin, por sot provoi të kundërtën.
Prandaj, problemi i Shqipërisë nuk është mungesa e provave për korrupsionin e Belinda Ballukut. Problemi është një kryeministër që pengon drejtësinë për një hetim të shpejtë dhe të pandikuar nga pushteti.
Integrimi europian matet me mënyrën si trajtohet korrupsioni në pushtet dhe me mënyrën si veprojnë institucionet për të mbrojtur ligjin. Sot Edi Rama dha përgjigjen më të keqe të mundshme: mbrojti korrupsionin dhe shpalli fajtore drejtësinë.
