Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
'Rritja' tallëse e pensioneve me 500 lekë në muaj, Tabaku: As kafen e ditës nuk e paguan dot
PiranjatPërditësimi i fundit 7 Tetor 2025, 10:08
Deputetja e Partisë Demokratike, Jorida Tabaku, ka ngritur shqetësimin për situatën e vështirë të pensionistëve në vendin tonë, duke e cilësuar sistemin aktual të pensioneve si “piramidal” dhe të dështuar.
Në një deklaratë nga rrjetet sociale, Tabaku kujtoi se tetori është muaji kushtuar pensionistëve, por sipas saj, për rreth 750 mijë qytetarë që jetojnë me pensione minimale, ky muaj nuk sjell asnjë përmirësim real në jetesën e tyre.
“Sot, një e treta e popullsisë shqiptare është në moshë pensioni, numri më i lartë në gjithë historinë e tranzicionit,” deklaroi deputetja demokrate.
Tabaku foli edhe për rritjen simbolike të pensioneve me vetëm 500 lekë në muaj, duke e konsideruar si një fyerje për dinjitetin e të moshuarve.
“Çfarë mund të bëjë një pensionist me 15 lekë në ditë? As kafen e ditës nuk e paguan dot,” u shpreh ajo.
Sipas Tabakut, ndërsa qeveria e justifikon këtë rritje të vogël me indeksimin sipas inflacionit, në realitet çmimet e shportës ushqimore janë rritur deri në 30%, duke e bërë jetesën e pensionistëve gjithnjë e më të pamundur.
“Sa herë që ka nevojë për votën e tyre, qeveria u jep një bonus. Por sa herë që duhet t’u rritë pensionet, dështon,” tha ajo, duke akuzuar qeverinë për mungesë të një politike të qëndrueshme sociale.
Tabaku përfundon deklaratën e saj duke thënë se Shqipëria po përballet me plakjen e popullsisë dhe emigrimin masiv të të rinjve, ndërsa shteti dështon të ofrojë siguri ekonomike për brezat në moshë të tretë.
“Këtë sistem duhet ta ndryshojmë. Këtë model ekonomik duhet ta ndryshojmë,” përfundoi ajo.
