Shkarkimi i Belerit/ OMONIA denoncon: KQZ u bë palë me pushtetin, vendimi ishte vulosur një orë para përfundimit të mbledhjes (FOTO)

TIRANË- Komuniteti i OMONIA-s ka reaguar sot lidhur me vendimin e Komisionit Qendror Zgjedhor për heqjen e mandatit të kryebashkiakut të zgjedhur të Himarës, Fredi Belerit. 

OMONIA në reagimin e tyre shprehen se dje KQZ konsumoi "gabimin më të madh të karrierës", sipas tyre duke ngatërruar ligjet për shkarkimin e Belerit. 

Bashkangjitur me reagimin, komuniteti i Omonias ka sjellë edhe vendimin e shkarkimit të dokumentuar, ku shihet se edhe pse mbledhja ka përfunduar në orën 11:30, vendimi mban orën 10:30. Ata e kanë cilësuar si skandal këtë fakt duke ngritur edhe disa pyetje për kryekomisionerin Ilirjan Celibashin. Më tej thuhet se KQZ është bë palë me pushtetin me firmë dhe vulë.

REAGIMI I PLOTË: 

KQZ E “PAVARUR” DHE NJË PROVË KUNDËR SAJ

Ditën e djeshme, gjoja në emër të parimeve të larta të drejtësisë dhe paanësisë përballë ligjit, Komisioneri Shteteror i Zgjedhjeve konsumoi ndoshta gabimin më të madh të karrierës së tij duke keqinterpretuar dhe ngatërruar me dashje ligjet në fuqi që rregullojnë zbatimin e ndalimeve për zgjedhjen dhe emërimin në funksionet publike të të zgjedhurve me
interpretim me personale dhe shembuj absurde (si ai i anëtarësimit në” clube” dhe dalje prej tij?!!! ) thua se ishte një takim spontan në kafe dhe jo duke u zhbërë vullneti i zgjedhësve në Himarë me pasoja të rënda për demokracinë dhe sistemin pluraliat në vend!

Gjithesesi kushdo pa dje zotin Celibashi duke bërë pirueta juridike dhe kapërcime të hatashme të ligjeve i ngërcosur nga kërkesa e një “anonimi” në politikë që kishte vënë në lëvizje KQZ në mënyrë të rrufeshme për heqjen e mandatit të z.Beleri.

Pa u zgjatur shumë me rrethanat dhe ngërcet e vendimmarrjes së z. Celibashi, duam te vëmë ne dijeni opinionin publik se pavarësisht se shfaqja e pardjeshme e Komisionerit u vesh me një dukje korrekte nga pikëpamja proceduriale dhe ne funksion të zbatimit të ligjit, gjoja në rolin e të pavarurit dhe zbatuesit të perpiktë të ligjit, rezulton se ai kreu pervecse një shërbim AUTOKRATIT që mban gjithë pushtetet në dorë, edhe një falsifikim.

Mbledhja e KQZ ka përfunduar dje në orën 11:30. VENDIMI MBAN ORËN 10:30.

Natyrshëm kur e lexuam vendimin na erdhën në mendje disa pyetje:

1 – Mos ndoshta z. Celibashi e ka paramenduar dhe paragjykuar vendimin pa pritur të dëgjojë palët dhe arsyetimet e tyre dhe në këtë rast ka kryer një shkelje të rëndë?

2- Mos vallë vendimin e kishte të shkruar dhe të gatshëm si rasti i vendimit te GJKKO përsëri për z.Beleri të cilin e kishte më parë Autokrati në tavolinë të zbardhur si i interesonte atij përpara se t'i komunikohej vetë të pandehurit ?!

3- Mos vallë mes z.Celibashi, Autokratit dhe Dr.Bajramit kishte marrëveshje sic rezulton e provuar nga shpejtësia e shpalljes së ditës së zgjedhjeve pa u mbushur 24 orë?!

4- Kjo mospërputhje në orë është si rasti i dëshmisë së penalitetit të z.Beleri ,”gabim sistemi“?Z. Celibashi,

Ju prezumohet të jeni garanti i zgjedhjeve të paanshme … Provuat se jeni tërësisht në funksion të autokracisë së instaluar në vend që do të vjedhë me patjetër zgjedhjet në Himarë. U vendosët në shërbim të pushtetit haptazi.

Sapo e nisët këtë proces me një falsifikim që po shkatërron institucionin e zgjedhjeve të lira e të ndershme në vend!
Asgjë e mirë nuk pritet pas këtij fakti. Më keq do veproni..

KQZ u bë palë me pushtetin!

VENDIMI I ORËS 10 E 30 PËRVECSE ËSHTË PROVË NË KUPTIMIN PENAL ËSHTË EDHE TURPI YT

OMONOIA HIMARE
Himare, 07/07/2024

mandati i fredi belerit kqz omonia

omonia mandati i fredi belerit