Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
Shoqërimi në komisariat i kryetarit të Ballit Kombëtar, policia: U procedua penalisht se kundërshtoi punonjësit e policisë! AMP nis hetimet për veprimet e efektivëve
r.llPërditësimi i fundit 5 Prill 2025, 10:35
pamje nga shoqerimi
TIRANË- Policia e Tiranës ka reaguar disa orë pas arrestimit me forcë të kryetarit të Ballit Kombëtar, Adriatik Alimadhit. Një njoftimin zyrtar bëhet me dije se ka nisur procedimi penal në gjendje të lirë për 61-vjeçarin, i dyshuar për veprën penale “Kundërshtim i punonjësit të rendit publik”.
Sipas informacioneve policore, Alimadhi dyshohet se, gjatë një kontrolli të ushtruar në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë. Më tej thuhet gjithashtu se ai ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.
Bëhet po ashtu me dije se AMP ka nisur nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë.
"Specialistët për Hetimin e Krimeve në Komisariatin e Policisë Nr. 4 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisën procedimin penal në gjendje të lirë për shtetasin A. A., 61 vjeç, i dyshuar për veprën penale “Kundërshtim i punonjësit të rendit publik”.
Ky shtetas dyshohet se, gjatë një kontrolli të ushtruar nga shërbimet e Policisë në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.
Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë.", thuhet në njoftimin e policisë.
Mbrëmjen e djeshme, deputeti demokrat Flamur Noka postoi në rrjetet sociale pamjet e arrestimit të Alimadhit, ku shihej se politikani ishte shoqëruar me forcë në automjetin e policisë.
