"Është zotimi ynë", Berisha-Ramës: Pas datës 11 maj, do të ekstradohesh në SHBA për t’u rigjykuar me McGonigalin!

sali berisha

TIRANË- Kryetari i Partisë Demokratike, Sali Berisha tha gjatë fjalës së tij sot në mbledhjen e grupit parlamentar se pas datës 11 maj kryeministri Edi Rama do të ekstradohet në SHBA për shkak të aferës McGonigal. Berisha tha se ky ishte zotimi i PD-së ose përndryshe Rama sipas tij do të gjykohet në Shqipëri para 11 majit. 

"Edi Rama, të garantoj se pas datës 11 maj, do të ekstradohesh në SHBA për t’u rigjykuar me McGonigalin. Ky është zotimi ynë. Përndryshe mund të gjykohesh në Shqipëri para 11 majit.", tha Berisha në mbyllje të fjalës së tij. 

Berisha tha gjithashtu se kryeministri duhet të mbajë fjalën e deklaruar 6 ditë më parë që “nuk duhen kryer më tubime në SPAK”. Ai tha se nëse Rama nuk e mban fjalën, “do i rrethohet i gjithë Surreli”.

“Nuk mund të ketë akte, triumf të Escobarit. Uroj të mos ndryshojë mendje se deklaroi që nuk do rrethojë më. Të mos ndryshojë mendje se do ta gjejë Surrelin të rrethuar! S’bëhet kjo. Janë procese, reforma…”, u shpreh Berisha ndër të tjera.

sali berisha