Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Skandali i ri"/ Berisha: Mazniku bashkë me Fugën, i kanë bërë gratë bashkëpronare në restorante dhe hotele
r.llPërditësimi i fundit 13 Maj 2024, 21:16
sali berisha
TIRANË- Ish-kryeministri Sali Berisha gjatë fjalës së tij mbrëmjen e sotme ka reaguar për atë që e quan “skandalin e ri”, ku nga investigimi i BIRN del se gruaja e Arbjan Maznikut dhe e Endri Fugës janë pronare të restorantit në qendër të Tiranës.
Berisha tha se këto bashkëpronare furnizohen me dreka dhe darka nga bashkia dhe institucionet e tjera. Sipas investigimit, firma e lidhur me “The Home” fitoi tender publik me vlerë 800 mijë euro.
PJESË NGA FJALA E BERISHËS:
Miqtë e mi, Veliaj që vodhi në bashki dhe instaloi modelin 100 përqind. Që mashtroi qytetarët se ka mbjellë pyllin vertikal me 1 milion pemë. Njeriu, që me djegësin e Tiranës ka zhdukur në kontot e tij bankare dhe të Edi Ramës, 135 milionë euro. Njeriu, që paratë e taksapaguesve i vodhi 100 përqind për të ndërtuar hotele në Durrës, Dhërmi, Himarë. Për të ndërtuar pallate në të katër anët e Tiranës me firmën e tij 5D, tani mendon se me Dumanin e tij do të mund të në mashtrojë, do mund t’ia hedhë edhe kësaj here.
Jo, kurrë. Përkundrazi, gati beteja Veliaj-Dumani, Dumani-Veliaj. Hajdut, hajdut, mos mendo se mashtrohemi ne pse thirresh ti në SPAK. Se për ne SPAK-u nuk është gjë tjetër veçse skrap, Skrapi i partisë. Jo Erion, do përballesh me qytetarët dhe të të mbrojë kush të dojë, por ti nga gjykimi i qytetarëve nuk do shpëtosh kurrë.
Aty në bashki hap llafe se kam marrë telefonata. O hajdut, askush në botë nuk të mbron ty dot. Prandaj jep dorëheqjen nesër në mëngjes, para orës 11, përndryshe do mjerohesh. Miqtë e mi, çfarë dëshmojnë denoncimet, investigimet e gazetarëve?
Dëshmojnë se Edi Rama në Bashkinë e Tiranës krijoi fidanishten më të madhe në Europë të hajdutëve. Të hajdutëve të paparë. Çdo ditë një aferë. Çdo ditë një firmë e Erion Veliajt për të vjedhur qytetarët. Sot del skandali tjetër se Arbër Bifteku, ish-zëvendësi i Erion Veliajt, bashkë me atë paruken e kryeministrisë, Fugën, i kanë bërë gratë bashkëpronare në restorante dhe hotele. Dhe këto bashkëpronare furnizohen me dreka dhe darka nga bashkia dhe institucionet e tjera.
Berisha deklaroi më tej se restoranti i zonjës Fuga dhe zonjës Mazniku mori tenderin 700 mijë euro nga kompania Tirana DC’, kompani në pronësi të bashkisë së Tiranës.
"Miq, çdo shqiptar që nuk ka zë sot, çdo shqiptar që nuk është në Shqipëri, çdo shqiptar që nuk ka guximin e duhur, pret nga ne, nga heroizmi, nga trimëria, nga guximi ynë, fitoren tonë, fitoren e Shqipërisë. Në një restorant të zonjës Fuga dhe zonjës Mazniku, shikoni se çfarë burrash kanë të mjerat, që i fusin në afera korruptive. Ja cila është familja për këta hajdutë, nuk kanë nder e as dinjitet. Dhe restoranti i zonjave të tyre fiton tenderin 700 mijë euro nga burri i saj, Arbër Bifteku në kompaninë Tirana DC. Po nuk ka hajdutë më të shpërfytyruar se këta mo?! Këta meritojnë çdo gjë.", tha Berisha.
