SPAK heton “KAYO” për trafik armësh, Shehaj: Vazhdimi i Ramës në pushtet është vazhdimi i vjedhjes

Kryetari i Partisë Mundësia, Agron Shehaj ka reaguar pas lajmit se SPAK ka kryer disa kontrolle dhe sekuestrime dokumentesh në Ministrinë e Mbrojtjes në kuadër të hetimeve për trafik armësh për kompaninë shtetërore ‘KAYO’.
Në një reagim në rrjetet sociale, Shehaj thekson se ky skandal i radhës është një tjetër dëshmi për mënyrën se si vazhdon të qeverisë vendin kryeministri Edi Rama.
“Rama ka treguar se është i paaftë të qeverisë pa vjedhur. Skandalet nuk janë përjashtimi por mënyra si ai qeveris”, thekson Shehaj.
Shehaj në video-mesazhin e tij rendit edhe të tjera hetime të SPAK për çështje si inceneratorët, tunelin e Llogarasë, Aeroportin e Vlorës, Portin e Durrësit, Unaza e Madhe, AKSHI apo edhe hetimet për kryebashkiakun e Tiranës Erion Veliaj.
Sipas Shehajt, Rama duhet të largohet pasi skema e tij e qeverisjes duke vjedhur qytetarët është zbuluar mjaftueshëm.
“Ka treguar një paaftësi totalisht të theksuar për të punuar pa shkelur ligjin, për të punuar pa futur duart në xhepat e qytetarëve. Besoj se është arsye e mjaftueshme për t’u larguar. E kemi kuptuar që këtë di të bëjë, di vetëm të vjedhë. Vazhdimi i tij në pushtet është vazhdimi i vjedhjes”, shprehet Shehaj.
Lexo edhe
POLITIKE
SPAK kontroll banese të Ron Yeffet/ Bardhi publikon video duke dalë nga Kryeministria dhe pyet Ramën: E njeh? Di gjë se çfarë po bëhet me...

Manekin apo…? Fotot e Trump, që po bëjnë xhiron e rrjetit

Vetëm 1 vit nga themelimi, 'Timak Defence' përballë hetimit të SPAK për abuzim me fondet dhe tregti armësh

Bardhi: Mazhoranca shtyn Komisionin Hetimor për KAYO, po shmang transparencën pas kontrolleve të SPAK

Debate në Komisionin e Ligjeve, Xhelal Mziu i hap dosjet në “fytyrë” Ulsi Manjajt: Shihni ç’bëhet këto janë budallallëqe




