Rrjetet sociale po “ziejnë” ditët e fundit pas publikimit të disa videove intime, ku në to shfaqen persona të njohur nga ...
POLITIKE
‘Deputetët e PS, si ‘viktimat’ e kompozitorit pervers’, Blushi: Rama i shantazhon me video për të votuar hartën e shpopullimit
PiranjatPërditësimi i fundit 2 Tetor 2026, 15:01
Nga Komisioni i Ligjeve, deputeti i PL, Tedi Blushi i cilësoi deputetët e PS si ‘viktimat’ e kompozitorit pervers, term në të cilin iu referua kreut të qeverisë Edi Rama, teksa diskutohej reforma territoriale.
Në fjalën e mbajtur, Blushi tha se Rama po i shantazhon socialistët përmes videove, në mënyrë që deputetët të votojnë hartën e shpopullimit.
Blushi u bëri thirrje kolegëve socialistë të heqin dorë nga kjo reformë
Deklarata e plotë
‘Nuk ka për t’ju ndihmuar Edi Rama, shikoni ku i ka shokët e vet.I ka shitur të gjithë. Para lëkurës së vet nuk mendon për asnjë tjetër. Mos mendoni se duke hedhur firmën në këtë projekt antikombëtar, shpopullues do të mund të garantoni edhe një mandat’, u shpreh Blushi gjatë fjalës së tij.
Së pari, doja t’i ftoja me shumë mirësjellje kolegët e mi të opozitës që t’i shmangen kurthit të debatit për procedurë.
Nuk mund të flitet për procedurë, për Kushtetutë, për ligj me një shumicë e cila as Kushtetutën dhe as ligjin nuk i njeh si dokumenta themeltarë të shtetit.
Po flasim me një bandë që për fat të keq janë, shumica prej tyre, viktima si te ato videot e atij kompozitorit pervers dhe kompozitori i këtyre është Edi Rama, ai që i ka filmuar dhe i shantazhon këta me video dhe provat e korrupsionit.
Sepse në qoftë se një deputet sot do të ketë një arsye minimaliste, një logjikë të thjeshtë, sepse papagallin nga njeriu pikërisht kjo e dallon, papagalli përsërit ato që dëgjon, ndërsa njeriu vendos në punë arsyen.
Në qoftë se ky Komision do të kishte arsye dhe këta deputetë do të kishin arsye, do të zbrisnin poshtë tani dhe do takonin banorët e Memaliajt, banorët e Fushë Arrëzit, do të kishte konsultë në Maliq, në Memaliaj, në Fushë – Arrëz dhe në të gjitha bashkitë që këta i fshijnë me një të rënë të lapsit, jo se duan, por se kështu kanë dëgjuar nga kompozitori që i shantazhon me video.
Na kanë sjellë këtu 46 arka, si ato arkivolet te filmi “Gjenerali i Ushtrisë së Vdekur”.
Për cfarë na i sillni ato këtu?
Dilni keni guximin, takoni banorët e Memaliajt aty poshtë dhe pyetini, a ka ardhur dikush nga ne të konsultohet me ju?
Shkoni flisni me banorët e Prrenjasit, a ka ardhur Arbjan Mazniku të prezantojë projektin?
Flasim për Reformë Territoriale, po vet kompozitori juaj a deklaroi se pas 2029 - tës do shkrihet edhe Erseka dhe Devolli?
Sepse ky është projekti i tij.
Të cilin ju, për fat të keq, e keni zbehur totalisht, e keni shpërfytyruar rolin e deputetit.
Njeriu ka një farë dinjiteti.
Vini këtu recitoni si papagaj të gjithë.
Poshtë janë banorët e Memaliajt, e ndërpresim mbledhjen dhe të hyjnë të gjithë këtu në sallë, keni guxim?
Të hyjnë të gjithë banorët e Fushë – Arrëzit që janë poshtë.
A keni guxim të shkojmë nesër në Maliq?
Dua të jem i drejtpërdrejtë, sikundër doja të ftoja të gjithë deputetët të ishin të drejtpërdrejtë.
Nuk ka vlerë ky diskutim parimor dhe aq më tepër kur sheh atë tabelën mbas jush kryetar, 2.4 milionë qytetarë përfaqësohen.
Cilët 2.4 milionë shqiptarë?
1.1 milionë shqiptarë i keni dëbuar për 13 vite.
I keni dëbuar nga familjet e tyre.
Ku janë këta 2.4 milion qytetarë, në mendjen e kujt janë?
Ku i keni këto 2.4 milion qytetarë.
Korca ka kaluar Kukësin, vendi i parë me 80% të shpopulluar.
Ju doni të na flisni për reforma, Reformë Qeverisja e Fortë Vendore.
I keni falimentuar të gjitha bashkitë, i keni mbushur me patronazhistë gjithë bashkitë.
Pse nuk keni guximin të dëgjoni ata banorë?
Na flisni këtu, keni 1 orë, konsultim public.
Me Edi Ramën te vila në Pogradec?
Se sot është edhe e premtja e konsultimeve publike.
Dilni takoini banorët, ja ku e keni një mundësi dhe mos hyni me makina me xhama të zinj që mos ju identifikojnë ata kush hyn.
Si mund të sillesh në mënyrë kaq kriminale me jetën e cdo banori që sot me një të rënë të lapsit ju shkrihen bashkitë.
Kush ja u ka dhënë këtë autoritet të shkrini 15 bashki?
Kush jeni ju që vendosni për fatet e mijra familjeve në të gjithë Shqipërinë?
Si nuk e vini trurin në punë?
Firmosni ju një vendim që të detyrosh një familje në fshatin më të thellë të Memaliajt të përshkruajë dhjetra kilometra për të vajtur në Tepelenë.
Keni ju në dorë fatet e njerëzve?
Keni ju në dorë fatin e një banori të Dusharit në Maliq që e detyroni të bëjë 5 orë rrugë për të marrë një leje për kotec në bashkinë e Korcës?
Ndaj kryetar, të kërkoj me forcë të ndërpresësh një proces që do ju njollosi përgjithmonë të gjithëve.
Nuk ka për t’ju ndihmuar Edi Rama, shikoni ku i ka shokët e vet.
Para lëkurës së vet nuk mendon për asnjë tjetër.
Mos mendoni se duke hedhur firmën në këtë projekt antikombëtar, shpopullues do të mund të garantoni edhe një mandate.
Pse mandate juaj qenka më i vlefshëm se jeta e një shqiptari?
Ju lutem ndërprisni mbledhjen, jepini fund kësaj parodie, kësaj mbledhje kriminale.
