Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Tani radha e SPAK, pastaj radha ime!" Berisha tha se u arratis, Veliaj: Po shkoj në SHBA si kreu i Bashkisë së Tiranës, nuk jam "non grata"
M.B.Përditësimi i fundit 28 Dhjetor 2024, 14:52
TIRANA- Kryebashkiaku i Tiranës, Erion Veliaj, ka reaguar pas deklaratës së kreut të Partisë Demokrartike, Sali Berisha, se ka lajme se ai mund të ishte arratisur dejt SHBA-ve. Veliaj thotë me anë të një postimi në rrjetet sociale se po shkon në Amerikë, për takime që i ka lënë prej kohësh, sepse është kryetari i Bashkisë së Tiranës, dhe nuk është 'non grata'.
Ai shton se nuk ikën ga Shqipëria sepse ka ardhur nga Amerika kur isha 20 vjet më i ri, që të jepte një dorë për ta nxjerrë vendin e tij nga llumi ku, sipas tij, e zhyti Berisha me shokë. Veliaj thotë se do të kthehet për dy ditë. Ai thotë se e di radhën e punëve dhe tani, sipas tij, e ka radhën prokurori special të bëjë çfarë të dojë, pastaj vjen radha e tij (Veliajt) për të thënë çfarë duhet.
Reagimi:
O Sali, o kërmë, që paske dhënë lajmin se jam arratisur nga Shqipëria, meqë ndonjë nga çimkat e tua më paska parë në avion. Po shkoj në Amerikë, për takime që i kam lënë prej kohësh, se jam kryetari i Bashkisë së Tiranës, dhe nuk jam Non Grata, o fundërrinë e historisë, që u bërë stërgjysh dhe sa më shumë zhubravitesh në atë surratin e lig, aq më shumë qelb Tiranën me gojën tënde.
Nuk iki unë nga Shqipëria, o kërmë, se kam ardhur nga Amerika kur isha 20 vjet më i ri, që të jepja një dorë për ta nxjerrë vendin tim nga llumi ku e zhyte ti me shokë! Dhe nuk më përkulin mua as letrat anonime, si në kohën e partisë, që të bëri ty persekutorin që je sot e gjithë ditën, as kushdo tjetër që shuan epshet e veta nëpër ekranet dhe rrugët e Tiranës, duke u marrë me familjen time, as fantazitë e sëmura të veshura me kostumet e karnavaleve të kësaj historisë sime në gjykatën e ekraneve dhe rrjeteve sociale.
Do të kthehem për dy ditë, dhe me durimin e paepur në pritje që të më vijë radha mua, se unë nuk jam burrë legen si ti, që kur SPAK-u merret me ty e me hajdutët e farës tënde është SKAPi i partisë, kurse kur merret me mua e me familjen time është SPAK-u i drejtësisë! Unë e di radhën e punëve dhe tani e ka radhën prokurori special të bëjë çfarë të dojë, pastaj vjen radha ime për të thënë çfarë duhet. Ashtu siç e di që unë nuk jam mbështetës i drejtësisë së re që nuk bëj komente rrugëve kur ajo merret me të tjerët dhe pastaj rrugaç si puna jote, që të marr rrugët me akuza e sharje kur merret me mua.
Aty rri se edhe ti s’ke nga lëviz, se je pa pashaportë dhe nuk del dot nga Shqipëria, se do të të dal si lugat në shtëpi natën e Vitit të Ri, kur edhe Syri i djalit tënd do jetë te Sheshi Skënderbej, duke transmetuar fishekzjarret e 2025-ës, kur do hash shqelmin më të fortë nga shqiptarët, sa të vijë maji! Pis burrë!
