Të enjten interpelanca me ministren e Shëndetësisë për skandalin te Onkologjiku, Çuçi mbledh deputetët e PS-së

Foto ilustruese

TIRANË- Në seancën e së enjtes më datë 4 korrik Kuvendi do të mbajë interpelancën me ministren e Shëndetësisë dhe Mbrojtjes Sociale, Albana Koçiu. Interpelancë e kërkuar nga një grup deputetësh të opozitës kërkuar nga një grup deputetësh të opozitës lidhur me skandalin e Onkologjikut.

Ndëkohë grupi Parlamentar i Partisë Socialiste ka zhvilluar sot mbledhjen për këtë javë. Kryetari Bledi Çuçi informoi deputetët për seancat që kanë mbetur deri në përfundim të këtij sesioni. E radhës do të zhvillohet ditën e enjte, 4 korrik, ku mes çështjeve të tjera të rendit të ditës pritet të ketë edhe një interpelancë me Ministrin e Shëndetësisë dhe Mbrojtjes Sociale, kërkuar nga një grup deputetësh të opozitës.

Gjithashtu pritet të prezantohen edhe raporti vjetor i Komisionit Qëndror të Zgjedhjeve, raporti mbi veprimtarinë e Komisionerit për të Drejtën e Informimit dhe Mbrojtjen e të Dhënave Personale, si dhe raporti vjetor për veprimtarinë e Komisionerit për Mbrojtjen nga Diskriminimi. Në vijim pati diskutime të tjera për çështje të ndryshme të ngritura nga deputetët e pranishëm në mbledhje.

grupi parlamentar i ps interpelance kuvend spitali onkologjik

cuci interpelance ps