Një banor nga fshati Lin i Pogradecit ka denoncuar në redaksinë e “PiranjaNews”, gjendjen e degraduar të rrugës në q...
POLITIKE
Të hënën raportojnë Çela, Dumani, Metani e Bogdani, Kuvendi në seancë 'maratonë' (Agjenda)
PiranjatPërditësimi i fundit 25 Tetor 2025, 10:13
Këtë të hënë, Kuvendi i Shqipërisë pritet të zhvillojë një seancë plenare të ngarkuar me çështje të rëndësishme për sistemin e drejtësisë dhe rendit në vend. Deputetët do të shqyrtojnë disa projektvendime dhe do të dëgjojnë raportimet vjetore të institucioneve kyçe të drejtësisë, të cilat do të ofrojnë një pasqyrë të punës së tyre për vitin 2024.
Seanca do të niset me miratimin e procesverbalit të seancës së kaluar, dhe më pas do të kalojë në shqyrtimin e dy projektvendimeve të rëndësishme, ngritjen e Komisionit të Posaçëm Parlamentar për Reformën Zgjedhore dhe Komisionit të Posaçëm për Reformën Administrativo-Territoriale.
Në vijim, do të fillojnë raportimet vjetore nga drejtuesit e institucioneve të drejtësisë. Prokurori i Përgjithshëm, Olsian Çela, do të paraqesë gjendjen e kriminalitetit në vend, ndërsa drejtuesi i SPAK-ut, Altin Dumani, do të raportojë për avancimin e luftës kundër korrupsionit dhe krimit të organizuar. Gjithashtu, do të paraqiten raporte nga Inspektori i Lartë i Drejtësisë, Artur Metani, Kryetari i Këshillit të Lartë Gjyqësor, Ilir Rusi, dhe Kryetarja e Këshillit të Lartë të Prokurorisë, Mirela Bogdani.
Në fund të seancës, deputetët do të diskutojnë çështje të ndryshme të evidentuara nga zgjedhësit nëpër rrethe, duke përfshirë shqetësime dhe kërkesa nga qytetarët. Për shkak të volumit të madh të raporteve dhe debateve, mësohet se seanca pritet të zgjasë gjatë gjithë ditës.
Kryetari i Grupit Parlamentar të Partisë Demokratike, Gazment Bardhi, ka theksuar se raporti final i OSBE/ODIHR-it fakton se zgjedhjet parlamentare t&...
