Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
POLITIKE
Tensionet/ Edi Rama anulon vizitën e parashikuar, vlonjatët po e prisnin me protesta
PiranjatPërditësimi i fundit 31 Janar 2026, 12:09
Edi Rama anulon vizitën e parashikuar për në Vlorë.
Mësohet se kryeministri nuk ka shkuar në qytetin bregdetar.
Atje e priste një protestë e tregtarëve të qytetit.
Por kjo është e vetmja protestë që ka përfshirë këtë qytet kohën e fundit. Nuk dihen arsyet e këtij anulimi, por mësohet se gjithçka është raportuar në çastet e fundit.
Tregtarët e Vlorës kanë dalë sërish sot në protestë para Teatrit “Petro Marko”, duke kundërshtuar vendimin e Këshillit Bashkiak për zhvendosjen e tyre nga zonat aktuale të tregtimit. Sipas vendimit të miratuar, tregtarët e fruta-perimeve do të zhvendosen në tregun e Çoles, ndërsa tregtarët industrialë në tregun e Shumicës në Jalli të Nartës.
Tregtarët kanë deklaruar se ky vendim është marrë pa asnjë konsultim real me ta dhe pa u ofruar garanci për kushtet minimale të punës. Gjithashtu protestuesit shprehen se zhvendosja në këto zona i largon nga qendra e qytetit dhe nga klientët e tyre, duke rrezikuar seriozisht mbijetesën ekonomike të dhjetëra familjeve.
Sakaq, qytetarët kanë deklaruar se tregjet e reja nuk janë funksionale, nuk kanë infrastrukturë të përshtatshme dhe nuk ofrojnë siguri për vijimin normal të aktivitetit tregtar.
Një ditë më parë, Rama ishte në një takim me fermerët e Divjakës. Ai refuzoi t’u përgjigjej atyre, por ata e gozhduan, duke i kërkuar që të japë llogari përpara se të largohej.
