Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ulëret "O Rameee"
M.B.Përditësimi i fundit 25 Mars 2025, 18:17
LEZHA- Kryeministri njëherësh dhe kryetari e Partisë Socialiste Edi Rama ka vijuar sot turin e tij në qarkun e Lezhës. Rama prezantoi skuadrën e tij për atë që e quan "për Shqipërinë në BE 2030". Ai kërkoi votën e qytetarëve nga Lezha majtas dhe djathtas, edhe për të reformuar politikën dhe partitë. Gjithashtu Rama foli për rigjenerimin e PS-së me emra të rinj duke i futur edhe në listat e deputetëve.
“Kjo është për qytetarët që në 25 vjet u mësuan me kënetën, nuk thahet ajo kënetë, nuk vijnë kurrë në pushtet, shihni listën e opozitës, ajo është istikam për opozitën. Fiks që në datën 12 të dalin e të thonë “u vodhën, u vodhën”, për atë është bërë. ndaj kjo është një mundësi e artë, që të mos i bien hasha amanetit kombëtar që të bëhemi edhe ne europian. Por edhe nëse ikin nga këneta, e thajnë atë. PS-në ata mund ta mundin vetëm me inteligjencë artificiale, edhe Parlamentin me inteligjencë artificiale, se me deputetë realë nuk kanë mundësi, çfarë t’i thuash.
Thonë pse tallesh me Lulin, si ta bësh këtë, ça t’i bësh, zoti Basha ne kemi dy platforma të ndryshme, “O Rame...”, jo se kur kundërshtari thërret duket sikur të kërkon ndihmë, ka hall, e ka marrë malli, sikur do të shkojë në banjë, kjo nuk është tallje, kjo është thirrje. Dhe Luli është më i miri i tyre, Lulin s’e kapin dot ata, më 2021 s’e kapin dot ata, jo kjo duhet thënë, s’e arrijnë dot rezultatin e Lulit më 2021 ata. Por ne jemi një forcë që i çon gjërat para si askush tjetër... Së dyti jemi më të organizuar se të tjerët dhe së treti shikoni këtu, ja, shiko, hiq Ulsiun dhe mua, që jemi hudhra në atë gjerdan, shiko, ja kjo është parti e re”, tha Rama.
