"Thërrasim qytetarët në mosbindje civile!" Noka: Dosja e Berishës flluskë sapuni, Salianji u burgos sepse tha të vërtetën

TIRANA- Sekretari i Përgjithshëm i Partisë Demokratike, Flamur Noka tha në mbledhjen e Federatës së Opozitës se qeveria ka burgosur politikisht tre figura, Sali Berishën, Fredi Belerin dhe Ervin Salianjin. Noka tha se Salianji është kurban i Ramës dhe Xhafajt. Ai shtoi se Salianjiu u burgos sepse denoncoi një trafikant që fshihej pas pushtetit të vëllait ministër. Ndërsa sipas Nokës, kreut të PD-së, Sali Berishës i faturuan firmat e Ramës dhe duke sajuar gjera të paqena në dosje. Ai u bëri thirrje qytetarëve që t'i bashkohen protestës së 7 tetorit në orën 18:00.

"Berishës i faturuan firmat e Ramës dhe duke sajuar gjera të paqena, por që në fakt konkludio se ishte një fluskë sapuni dhe kjo dosje është dekoratë nderi për Sali Berishës, pasi në 30 vjet që ju bë vettingu nuk iu gjet asnjë shkelje. Vazhdoi me burgosjen e Fredi Belerit si një opozitar që po i merrte bashkinë ku ai kishte projekte për të vjedhure prona. Beleri ishte pengesë që pronat të vidheshin nga Rama. Beleri u burgos politikisht. Ju tundën prangat kreut të PL vetëm se ky artikulonte dhe nxirrte të vërtetat në shesh. Vazhdoi sulmet duke i tundur prangat  kreut të PR, Fatmir Mediut.

Dashuria e Ramës me Fatmir Xhafës kërkonte një kurban dhe kurbani në ëndrrat e tyre ishte përcaktuar, duhet të ishte Ervin Salianji. Sepse deputetit Salianji vendosi ti thoshte shqiptarëve të vërtetën për një trafikant që fshihej pas pushtetit të vëllait të tij ministër. Ky ishte një vendim i marrë nga Rama dhe Fatmir Xhafa. Ditën e hënë më datën 7 në orën 18:00 të thërrasë qytetarët e këtij vendi për të filluar mosbindjen civile si rruga e vetme që këtij populli i ka mbetur", tha Noka.

opozita