Ushtarët amerikanë humbën jetën gjatë stërvitjes në Lituani, Rama: Lajm tragjik, kujtesë e dhimbshme për rreziqet që përballen ata që shërbejnë

edi rama

TIRANË- Kryeministri Edi Rama ka reaguar lidhur me vdekjen e ushtarëve amerikanë teksa po kryenin stërvitje ushtarake në Lituani. Në një postim në "X", Rama shkruan se ky lajm tragjik, është një kujtesë e dhimbshme për rreziqet që përballen ushtarët që shërbejnë. Ai shprehet se Shqipëria është SHBA-ve dhe Komandantit të saj të Përgjithshëm.

“Lajme tragjike nga Lituania. Humbja e ushtarëve amerikanë gjatë stërvitjes ushtarake të fundit është një kujtesë e dhimbshme për rreziqet që përballen ata që shërbejnë. Mendimet dhe lutjet tona janë me familjet e tyre. Si gjithmonë, Shqipëria është pranë Shteteve të Bashkuara dhe Komandantit të saj të Përgjithshëm.”, shprehet Rama.

Tre nga katër ushtarët amerikanë që u zhdukën në Lituani kur automjeti i tyre ra dhe u fundos në një moçal u gjetën të vdekur menjëherë pasi shpëtimtarët arritën të nxirrnin automjetin e tyre në sipërfaqe. Ndërkohë një prej tyre vijon ende të jetë i zhdukur. 

Katër amerikanët, të cilët kishin qenë në Lituani për dy muajt e fundit po merrnin pjesë në stërvitje ushtarake në një terren trajnimi në Pambrante, një qytet afër kufirit me Bjellorusinë. Më herët ministri lituanez i Mbrojtjes bëri të ditur se mjeti i blinduar me të cilin po udhëtonin ndodhej në një zonë kënetore dhe u gjet.

Autoritetet lituaneze u njoftuan më 25 mars për zhdukjen e ushtarëve amerikanë. Që atëherë, një operacion i madh shpëtimi lituano-amerikan ka qenë duke u zhvilluar, duke përfshirë qindra njerëz dhe pajisje të rënda. Me kërkesën e Vilniusit, Polonia dërgoi një njësi prej 150 ushtarësh dhe specialistësh.

Makina e blinduar e zbulimit M88 Hercules e përdorur nga katër ushtarët u gjet të mërkurën, më 27 mars. Sipas ushtrisë amerikane, ajo u gjet në një thellësi prej rreth 4.5 metra nën një shtresë uji dhe balte, duke e bërë jashtëzakonisht të vështirë nxjerrjen e saj.

edi rama