Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
POLITIKE
Vasili: Mazhorancë rrugaçesh, po përdor Kodin Penal për të dekurajuar protestat qytetare
PiranjatPërditësimi i fundit 1 Shkurt 2026, 12:04
Ish-deputeti i Partisë së Lirisë, Petrit Vasili, përmes një postimi në Facebook, kritikoi ashpër mazhorancën e qeverisë së Edi Ramës, duke e quajtur “maxhorancë rrugaçesh”, për mos ndryshimin e Nenit 262 të Kodit Penal për tubimet.
Vasili shpjegon se, pak ditë më parë, Kuvendi miratoi ndryshime të shumta në Kodin Penal, por nuk preku nenin 262, që ka të bëjë me tubimet. Ky nen u shfuqizua pjesërisht nga Gjykata Kushtetuese në qershor 2021, e cila vendosi heqjen e paragrafit që kërkonte lejen paraprake të policisë për protesta, duke obliguar Kuvendin ta përshtaste ligjin brenda 6 muajve nga shpallja e vendimit.
Në vitin 2022, një grup deputetësh të LSI depozitoi një projektligj që implementonte këtë vendim, por ai u rrëzua në vitin 2023 me 75 vota kundër nga deputetët e maxhorancës. Vasili akuzon qeverinë se refuzimi për të ndryshuar nenin 262 ka qëllim të mbajë qytetarët nën kërcënim, duke penguar protestat dhe duke krijuar procese gjyqësore ndaj qytetarëve.
Ai përfundon duke thënë se kjo sjellje tregon mungesë respekti për ligjin dhe rendin kushtetues, duke e cilësuar si një rrugaçëri që nis nga Ministria e Drejtësisë dhe përfundon në Parlament.
Në videon e postuar nga Vasili, në vitin 2023 me anë të fjalës së tij ai dokumenton momentin kur 75 deputetë të mazhorancës votuan kundër projektligjit për ndryshimin e Nenit 262.
