Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Vazhdojmë me hapjen e kapitujve të tjerë me BE-në!" Rama: Po përgatisim një "dallgë" reformash
M.B.Përditësimi i fundit 21 Mars 2025, 13:09
TIRANA- Kryeministri Edi Rama ka marrë pjesë sot në prezantimin e raportit të GRECO për luftën antikorrupsion. Rama u shpreh gjatë fjalës së tij se Shqipëria ka korrur sukses në të gjitha fushat, ndonëse ka ende shumë punë. Ai shtoi se ky nuk është një moment për t’u ulur dhe për të kompletuar panoramën e arritjeve, por një motiv i fortë për të qenë më shumë ambiciozë.
“Pse Shqipëria sot është në pararojë të procesit të integrimit të vendeve të Ballkanit Perëndimor në BE. Pse Shqipëria ka kapacitetet për të përmbyllur negociatat brenda 2027 dhe pse Shqipëria ndihet e motivuar për t’u bërë pjesë e familjes brenda kësaj dekade. Do vazhdojmë me hapjen e kapitujve të tjerë, ndryshe nga se është thënë ditët e fundit nga pasqyrat e kënetës politike dhe mediatike.
Për ne ky nuk është një moment për t’u ulur dhe për të kompletuar panoramën e arritjeve, por këto janë motive të forta për të qenë më shumë ambiciozë dhe për të shkuar më tej dhe ne po bëjmë përpjekje të gjithanshme për të thelluar këtë proces. Po përgatisim një dallge reformash, me përfshirjen e të gjithë institucioneve dhe ndërveprimet e tre pushteteve të pavarura”, tha Rama.
