Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Vendimi i Gjykatës së Lartë për Salianjin, PD: Është ridënim politik dhe përndjekje e opozitës nën urdhrat e Edi Ramës
r.llPërditësimi i fundit 15 Tetor 2024, 17:57
ervin salianji
TIRANË- Partia Demokratike ka reaguar pas vendimit të Gjykatës së Lartë për rrëzimin e kërkesës së ish-deputetit Ervin Salianji, për lirim nga burgu.
Sekretari për çështjet ligjore në PD, Ivi Kaso tha se PD e konsideron këtë si ridënim të Salianjit dhe përndjekje të opozitës. Në reagim thuhet se PD thekson se nuk ka paqe pa lirimin e të gjithë opozitarëve të mbajtur padrejtësisht në izolim ose në qeli.
REAGIMI I PLOTË:
Partia Demokratike e konsideron si ridënim të deputetit demokrat Ervin Salianji vendimin e Gjykatës së Lartë të marrë sot në presionin dhe urdhrat e Edi Ramës.
Kundër një vendimi të paligjshëm dhe politikisht të motivuar, trupa e Gjykatës së Lartë, as u ngrit në lartësinë e detyrës dhe as nuk i shërbeu balancave ndërmjet pushteve në Shqipëri të cilat i ka fshirë Edi Rama me një të rënë të lapsit.
Mbajtja në burg e nënkryetarit të grupit parlamentar demokrat është një medalje për të dhe opozitarët, dhe një njollë turpi për qeverinë dhe gjykatat e saj, të cilat e kanë kthyer përndjekjen e eksponentëve të opozitës në gjueti shtrigash.
Partia Demokratike shpreh edhe njëhere mbështetjen për deputetin e saj dhe për cdo zë opozitar që ngrihet kundër regjimit.PD thekson se nuk ka paqe pa lirimin e të gjithë opozitarëve të mbajtur padrejtësisht në izolim ose në qeli.
Shërbëtorët e Edi Ramës dhe Fatmir Xhafajt në gjyqësor nuk mund ta heshtin opozitën dhe as ta detyrojnë atë që, ashtu si ata, të shndërrohet në ankes të pushtetit.
